جاقىندا الماتىدا سىرتقى ىستەر ءمينيسترى ەرجان قازىحانوۆ ەلىمىزدىڭ ديپلوماتيالىق قىزمەتىنىڭ ارداگەرلەرىمەن كەزدەستى, دەپ حابارلادى ءسىم-ءىنىڭ ءباسپاسوز قىزمەتى.
پرەزيدەنت ن.نازارباەۆتىڭ تىكەلەي باسشىلىعىمەن جانە قاتىسۋىمەن وتاندىق سىرتقى ساياسي قىزمەت ءوزارا ءتيىمدى ىنتىماقتاستىق پەن ۇيلەسىمدى قاعيداتتارعا نەگىزدەلە وتىرىپ, جاقىن كورشىلەرمەن, الەمدىك دەرجاۆالارمەن كوپجاقتى پىشىندەگى قارىم-قاتىناستاردا سەنىمدى جۇيە قۇردى, دەدى مينيستر.
قازاقستاننىڭ ەقىۇ, شىۇ جانە يىۇ-عا ءتوراعالىق ەتۋى جۇزەگە اسىرىلىپ وتىرعان سىرتقى ساياساتتىڭ ستراتەگيالىق دۇرىستىعىن جانە جەمىستىلىگىن دالەلدەيدى. استانانىڭ حالىقارالىق ارەناداعى سىرتقى ساياسي ءداستۇرىن بەينەلەيدى جانە قازاقستاننىڭ كوپجاقتى ديپلوماتياسىنىڭ ساپالى جالعاسى بولىپ تابىلادى.
سالتاناتتى ءىس-شارا بارىسىندا سىرتقى ىستەر ءمينيسترى ديپلوماتيالىق قىزمەت ارداگەرلەرىنە ناگرادالارىن تابىس ەتىپ, ولارعا زور دەنساۋلىق پەن يگىلىك تىلەدى.