جۇردەك ترامۆاي جۇيتكيتىن بولادى

مەملەكەت باسشىسى نۇرسۇلتان نازارباەۆ «استانا قالاسىنىڭ جاڭا كولىك جۇيەسى» جوباسى ىسكە اسىرىلا باستاۋىنا وراي كاپسۋلانى قالاۋ راسىمىنە قاتىستى, دەپ حابارلادى قازاقستان رەسپۋبليكاسى پرەزيدەنتىنىڭ ءباسپاسوز قىزمەتى. جالپى ۇزىندىعى 41,81 شا­قىرىمدىق جوبانى 3 كەزەڭدە ءجۇ­زەگە اسىرۋ جوسپارلانعان: «اۋە­جاي – ءابۋ-دابي پلازا» باعىتى بوي­ىنشا 1-ءشى كەزەڭى, «ءابۋ-دابي پلازا – تەمىر جول ۆوكزالى» با­عى­تىن­دا 2-ءشى كەزەڭى, «تەمىر جول ۆوكزالى – ءابۋ-دابي پلازا» با­عى­تىندا 3-ءشى كەزەڭى ىسكە اسى­رىل­ماق. استانا قالاسىنىڭ اكىمدىگى تا­را­پىنان ارنايى «استانا LRT» جشس كوم­پانياسى قۇرىلدى. بۇل كومپانيا جەڭىل رەلستى ترامۆاي قۇرى­لىسى مەن جوبالاۋعا تاپسى­رىس بەرۋشى رەتىندە قۇرىلىپ وتىر. جوبانىڭ ءبىرىنشى كەزەڭى ايا­سىن­دا «الستوم» كومپانياسى (فرانتسيا) جەدەل جىلدام­دىق­تا­عى ترامۆاي ءون­دى­رىسىن قولدانۋدى جوسپار­لاعان. اۋە­جاي مەن ءابۋ-دابي پلازا كەشەنى ارالىعىندا بار­لىعى 12 پويىز ءجۇ­رەتىن بولا­دى. ءبىر پويىز 250 ادام­دى الىپ جۇرۋگە ارنالعان. اس­تا­نانىڭ اۋا رايىن ەسكەرە وتى­رىپ, ستانسانى جابىق تۇردە, جەلدەتكىش پەن اۋا جىلىتقىشتار ور­ناتۋ ار­قىلى سالۋ جوسپارلانعان. جولاۋ­شى­لار­دىڭ قاۋىپسىزدىگى مەن قولاي­لىلى­عى ءۇشىن ستانسالاردا جەر­استى جو­لاۋشىلار جۇرەتىن جول­دار, ليفتىلەر مەن ەسكالاتورلار ورناتۋ قا­راس­تىرىلعان. ءبىرىنشى كە­زەڭنىڭ قۇ­رى­لىسىن قارجىلاندىرۋ ءۇشىن جەر­گىلىكتى بيۋدجەتتەن 5 ملرد. تەڭ­گە ءبو­لىنگەن. اعىمداعى جىل­دىڭ قىر­كۇيە­گىنە دەيىن رەسپۋب­ليكالىق بيۋد­جەتتەن قوسىمشا 13,3 ملرد. تەڭگە ءبولۋ جوسپار­لا­عان. ەكىنشى كەزەڭنىڭ قۇرىلىسىن 2012 جىلى رەسپۋب­لي­كا­لىق بيۋدجەت ەسەبىنەن جانە ازيا دامۋ بانكىنەن زايم تارتا وتىرىپ باستاپ, 2014 جىلى اياقتاۋ جوسپارلانۋدا.