جامبىل وبلىسى بويىنشا مەديتسينالىق جانە فارماتسەۆتيكالىق باقىلاۋ كوميتەتى وبلىستىق پەريناتالدىق ورتالىققا قاتىستى جوسپاردان تىس تەكسەرىس باستالعانىن حابارلادى, دەپ جازادى Egemen.kz.
تەكسەرىسكە پەرزەنتحانا بوسانعان ايەلدىڭ قايعىلى قازاسى سەبەپ بولعان.
«تەكسەرۋ اياسىندا مەديتسينالىق پەرسونالدىڭ بارلىق كەزەڭدەگى ارەكەتتەرىنە قۇقىقتىق باعا بەرىلەدى. باقىلاۋ ءىس-شارالارى اياقتالعان سوڭ تەكسەرىس ماتەريالدارى پروتسەسسۋالدىق شەشىم قابىلداۋ ءۇشىن ءتيىستى ورگاندارعا جولدانادى», دەلىنگەن دسم حابارلاماسىندا.
تەكسەرۋ ناتيجەلەرى تۋرالى قوسىمشا اقپارات بەرىلەتىنى ايتىلدى.
217 ملن تەڭگە: شىمكەنتتە جۇكتى ايەلدەردىڭ اتىنا جالعان الەۋمەتتىك تولەمدەر راسىمدەلگەن
مينيسترلىك ناۋقاستاردىڭ قاۋىپسىزدىگى قاعيداتتارىنا بەرىك ەكەنىن جانە مەديتسينالىق ەتيكا تالاپتارىنىڭ بۇزىلۋىنا توزبەيتىنىن اتاپ ءوتتى.
بۇعان دەيىن بۇقارالىق اقپارات قۇرالدارى جامبىل وبلىستىق پەريناتالدىق ورتالىعىندا بوسانعان ايەلدىڭ كۇماندى جاعدايدا قايتىس بولعانىن حابارلاعان. رەسمي نۇسقاعا سايكەس, ايەل بەلگىسىز سەبەپتەن تۋىنداعان سەپسيس سالدارىنان كوز جۇمعان. الايدا مارقۇمنىڭ تۋىستارى ونىڭ ولىمىنە دارىگەرلەردى كىنالاپ وتىر. ولاردىڭ ايتۋىنشا, جاۋاپكەرشىلىك تەك اۋرۋحاناعا عانا ەمەس, جۇكتى ايەلدى ەسەپكە الماعان ەمحاناعا دا قاتىستى بولۋى مۇمكىن.
استانادا جۇكتى ايەلدىڭ جۇرەگى ءبىر ساعاتتا ءۇش رەت توقتاپ ءتىرى قالدى