قازاقستاندا ونەركاسىپتىك كلاستەرلەر مەن وتاندىق وندىرۋشىلەردى قولداۋ كۇشەيەدى. ءماجىلىس پارلامەنت دەپۋتاتتارى باستاماشى بولعان ماشينا جاساۋ سالاسىنا قاتىستى تۇزەتۋلەردى ءبىرىنشى وقىلىمدا ماقۇلدادى, دەپ حابارلايدى Egemen.kz.
قۇجاتتا ارنايى ەكونوميكالىق ايماقتاردىڭ تيىمدىلىگىن ارتتىرۋ تەتىكتەرى قاراستىرىلعان. اتاپ ايتقاندا, ورتا جانە جوعارى دەڭگەيدە قايتا وڭدەلگەن ءونىم وندىرۋگە باسىمدىق بەرۋ, اەا قاتىسۋشىلارىنىڭ شارتتىق مىندەتتەمەلەرىنىڭ ورىندالۋىن باقىلاۋدى كۇشەيتۋ, سونداي-اق سۇرانىسقا يە ەمەس ءونىمدى قايتا وندىرۋگە جول بەرمەۋ ءۇشىن ىرىكتەۋ كريتەريلەرىن ەنگىزۋ ۇسىنىلعان.
سونىمەن قاتار زاڭ جوباسى ونەركاسىپتىك كلاستەرلەر ينستيتۋتىن ەنگىزۋدى كوزدەيدى. بۇل رەتتە «اۋماقتىق كلاستەر» ۇعىمىن «ونەركاسىپتىك كلاستەر» تۇسىنىگىمەن الماستىرۋ جوسپارلانىپ وتىر. مۇنداي وزگەرىس ەلدىڭ ءار وڭىرىندەگى ماشينا جاساۋ كاسىپورىندارىن بىرىكتىرىپ, وندىرىستەگى ەلىشىلىك قۇندىلىقتى ارتتىرۋعا مۇمكىندىك بەرەدى دەپ كۇتىلەدى.
ءماجىلىستىڭ جالپى وتىرىسىندا قانداي ماسەلەلەر قارالادى؟
بۇدان بولەك, مەملەكەتتىك ينۆەستيتسيالار مەن كۆازيمەملەكەتتىك سەكتور قاراجاتى ەسەبىنەن سالىناتىن نىسانداردا وتاندىق قۇرىلىس ماتەريالدارى مەن جابدىقتاردى پايدالانۋ تالاپتارىنىڭ ساقتالۋىن باقىلاۋ ءۇشىن ارنايى مونيتورينگتىك كوميسسيالار قۇرۋ قاراستىرىلعان.
سونداي-اق ەلىشىلىك قۇندىلىقتى دامىتۋ, ءوندىرىستى وقشاۋلاۋدى تەرەڭدەتۋ جانە وتاندىق تاۋار وندىرۋشىلەردى قولداۋ بويىنشا قوسىمشا مىندەتتەمەلەر ەنگىزىلەدى.
زاڭ جوباسىنىڭ جەكە بلوگى قارا جانە ءتۇستى مەتالداردىڭ سىنىقتارى مەن قالدىقتارىن جيناۋ, ساقتاۋ, قايتا وڭدەۋ جانە وتكىزۋ سالاسىن رەتتەۋگە باعىتتالعان.
بۇعان دەيىن ءماجىلىس سالىق كودەكسىنە وزگەرىستەر ەنگىزۋ تۋرالى زاڭ جوباسىن ءبىرىنشى وقىلىمدا ماقۇلدادى.