پارلامەنت ءماجىلىسىنىڭ جالپى وتىرىسىندا ادىلەت ۆيتسە-ءمينيسترىنىڭ قازاق ءتىلىن قولدانباۋىنا بايلانىستى سىن ايتىلدى, دەپ حابارلايدى Egemen.kz.
دەپۋتات قازىبەك يسانىڭ ايتۋىنشا, دەپۋتاتتار سۇراقتاردى قازاق تىلىندە قويعانىمەن, ۆيتسە-مينيستر بوتاگوز جاقسەلەكوۆا جاۋاپتى ورىس تىلىندە بەرگەن.
ء«سىز ادىلەت ۆيتسە-ءمينيسترى رەتىندە مەملەكەتتىك ءتىل قازاق ءتىلى ەكەنىن بىلەسىز. وسىندا قانشاما دەپۋتات سۇراق قويدى, سونىڭ بىردە-بىرەۋىنە قازاق تىلىندە جاۋاپ بەرمەدىڭىز. ءتىپتى, ەكاتەرينا سمولياكوۆانىڭ مەملەكەتتىك تىلدەگى سۇراعىنا مەملەكەتتىك تىلدە جاۋاپ بەرە المادىڭىز. ادىلەت ۆيتسە-ءمينيسترىنىڭ مەملەكتتىك ءتىلدى بىلمەۋى – ادىلەتسىزدىك», دەدى دەپۋتات.
سونداي-اق حالىق قالاۋلىسى مينيسترلىك وكىلىنە كەلەسى جولى مەملەكەتتىك ءتىلدى مەڭگەرىپ كەلۋدى, بولماسا ورنىنا باسقا ادامدى جىبەرۋدى سۇرادى.
جاڭا زاڭ: جەكە دەرەكتەردى زاڭسىز پايدالانعان نوتاريۋستار ليتسەنزياسىنان ايىرىلادى
ەسكە سالا كەتەيىك, بۇگىن ءماجىلىستىڭ جالپى وتىرىسىنداعى تالقىلاۋلاردا ادىلەت مينيسترلىگى بىرقاتار زاڭ جوباسىنداعى وزگەرىستەردى تانىستىردى.