قازاقستاندا قىلمىستىق جانە اكىمشىلىك امنيستياعا قاتىستى ماسەلە قايتادان كۇن تارتىبىنە شىقتى. ءماجىلىس دەپۋتاتتارى امنيستيانىڭ شارتتارى مەن ءتارتىبىن ناقتىلايتىن زاڭ جوبالارىن ازىرلەدى, دەپ حابارلايدى Egemen.kz.
ۇسىنىلعان وزگەرىستەرگە سايكەس, قىلمىستىق امنيستيا قىلمىستىق تەرىس قىلىقتار مەن اۋىرلىعى جەڭىل جانە ورتاشا قىلمىستارعا قاتىستى قولدانىلۋى مۇمكىن. بۇل, نەگىزىنەن, كەلتىرىلگەن شىعىن تولىق وتەلگەن نەمەسە مۇلدە زالال كەلتىرىلمەگەن ىستەرگە قاتىستى بولماق.
ال اۋىر جانە اسا اۋىر قىلمىستار بويىنشا جازا مەرزىمىن قىسقارتۋ ۇسىنىلىپ وتىر. بىراق بۇل جاعدايدا دا كەلتىرىلگەن زالال تولىق وتەلۋى ءتيىس.
«مورالدىق قۇقىعىمىز جوق»: دەپۋتات ماس جۇرگىزۋشىلەرگە راقىمشىلىق جاساۋعا قارسى شىقتى
اكىمشىلىك امنيستيا اياسىندا دا بىرقاتار ايىپپۇلدى كەشىرۋ قاراستىرىلىپ وتىر. بۇل تۋرالى دەپۋتات سنەجاننا يماشەۆا مالىمدەدى.
«اكىمشىلىك امنيستيا اياسىندا وسى زاڭ كۇشىنە ەنگەنگە دەيىن ورىندالماعان اكىمشىلىك ايىپپۇلداردان جەكە تۇلعالار, كاسىپكەرلىك سۋبەكتىلەرى, جەكە نوتاريۋستار, ادۆوكاتتار, قانداس مارتەبەسى بار ازاماتتار جانە جالپى قازاقستان ازاماتتارى بوساتىلادى», دەدى ول.
سونىمەن قاتار ادام ءومىرى مەن دەنساۋلىعىنا قاۋىپ توندىرەتىن قۇقىقبۇزۋشىلىقتار امنيستياعا ىلىنبەيدى. ولاردىڭ قاتارىندا قىزىل شامعا ءوتۋ, جىلدامدىقتى اسىرۋ جانە ماس كۇيىندە كولىك جۇرگىزۋ بار.
كولىك جۇرگىزۋ قۇقىعىنان ايىرىلعاندار راقىمشىلىققا ىلىگە مە؟
ال قاۋىپسىزدىك بەلدىگىن تاقپاۋ نەمەسە كولىك جۇرگىزۋ كەزىندە تەلەفون قولدانۋ ءۇشىن سالىنعان ايىپپۇلدار امنيستياعا ەنۋى مۇمكىن.