سىرتقى ىستەر مينيسترلىگى دۋباي قالاسىندا ءومىر بويىنا باس بوستاندىعىنان ايىرىلعان 22 جاستاعى قازاقستان ازاماتىنىڭ ىسىنە قاتىستى جاڭا مالىمەتتەردى جاريالادى, دەپ حابارلايدى Egemen.kz.
ۆەدومستۆونىڭ رەسمي وكىلى ەرلان جەتىباەۆتىڭ ايتۋىنشا, ۇكىم 18 ناۋرىزدا شىعارىلعان. امىرلىك تاراپىنىڭ دەرەگىنە سايكەس, قازاقستان ازاماتى اۋىر قىلمىستار بويىنشا كىنالى دەپ تانىلىپ, وعان ايىپپۇل دا سالىنعان.
سىرتقى ىستەر مينيسترلىگى قازاقستان ازاماتىنىڭ ءباا-دە 2025 جىلى قوزعالعان قىلمىستىق ءىس بويىنشا ايىپتالۋشىلاردىڭ ءبىرى ەكەنىن ءتۇسىندىردى.
«بۇل قىلمىستىق ءىس ادام ۇرلاۋ جانە زاڭسىز بوستاندىعىنان ايىرۋ, دەنساۋلىققا اۋىر زيان كەلتىرۋ, سونداي-اق ادامنىڭ ار-نامىسى مەن قادىر-قاسيەتىنە قول سۇعۋ سياقتى اۋىر قىلمىستار ساناتىنا جاتادى», دەدى ەرلان جەتىباەۆ.
قازىر ءىس بويىنشا اپەللياتسيالىق شاعىم بەرىلگەن, سوندىقتان ۇكىم ءالى زاڭدى كۇشىنە ەنگەن جوق. ءسىم قازاقستاننىڭ ەلشىلىگى مەن دۋبايداعى باس كونسۋلدىعى قۇقىقتىق كومەك كورسەتۋدى جالعاستىرىپ, جاعدايدى باقىلاۋدا ۇستاپ وتىرعانىن مالىمدەدى.
دۋبايدا ومىرلىك جازا تاعايىندالعان وتانداسىمىز اپەللياتسيالىق شاعىم ءتۇسىردى
بۇعان دەيىن ۆەدومستۆو ەكستراديتسيا ماسەلەسى ازىرگە قارالمايتىنىن حابارلاعان. سىرتقى ىستەر ءمينيسترىنىڭ ورىنباسارى الىبەك باقاەۆتىڭ سوزىنشە, الدىمەن سوت پروتسەسى تولىق اياقتالۋى كەرەك.