قازاقستاندا توتەنشە جاعدايلاردى جويۋعا جانە انتيتەررورلىق وپەراتسيالارعا قاتىساتىن اسكەري قىزمەتشىلەرگە ءۇش ەسەلەنگەن اقشالاي تولەم بەرىلەدى. بۇل تۋرالى سەنات وتىرىسىندا ايتىلدى, دەپ حابارلايدى Egemen.kz.
سەنات دەپۋتاتتارى «اسكەري قىزمەتشىلەردىڭ قۇقىقتىق جاعدايىن جەتىلدىرۋ, قورعانىس جانە اسكەري قىزمەت ماسەلەلەرى بويىنشا كەيبىر زاڭنامالىق اكتىلەرگە وزگەرىستەر مەن تولىقتىرۋلار ەنگىزۋ تۋرالى» زاڭ جوباسىن تالقىلادى.
قۇجات اياسىندا «قورعانىس جانە قارۋلى كۇشتەر تۋرالى», «اسكەري قىزمەت جانە اسكەري قىزمەتشىلەردىڭ مارتەبەسى تۋرالى» جانە «بىتىمگەرشىلىك قىزمەت تۋرالى» زاڭدارعا بىرقاتار وزگەرىس ەنگىزۋ كوزدەلگەن.
كۇزگە دەيىن 21 مىڭنان استام ازامات اسكەر قاتارىنا شاقىرىلادى
زاڭ جوباسىندا شەتەلدەگى اسكەري وكىلدىك اپپاراتتارىنىڭ قۇقىقتىق مارتەبەسىن بەكىتۋ مەن ولاردى قارجىلاندىرۋ ءتارتىبى ايقىندالعان. سونداي-اق زاڭدا اسكەري قىزمەتشىلەردىڭ لاۋازىمدارىن ديپلوماتيالىق قىزمەت وكىلدەرىنىڭ لاۋازىمدارىمەن تەڭەستىرۋ ۇسىنىلعان.
جاڭا وزگەرىستەر قابىلدانعان جاعدايدا, قارۋلى كۇشتەر مەن شەكارا قىزمەتىنىڭ اسكەري قىزمەتشىلەرى انتيتەررورلىق وپەراتسيالار جانە توتەنشە جاعداي رەجيمى كەزىندە ءۇش ەسەلەنگەن اقشالاي تولەم الادى.
ەسكە سالا كەتەيىك, بۇعان دەيىن بوكستان الەم چەمپيونى ساكەن بيبوسىنوۆ اعا لەيتەنانت اسكەري شەنىن العان بولاتىن.