فيفا الەم چەمپيوناتىنان قانشا تابىس تابادى؟

Finance Football اناليتيكالىق كومپانياسىنىڭ مالىمەتىنشە, ءتۋرنيردىڭ نەگىزگى تابىس كوزى تەلەترانسلياتسيالار قۇقىعىن ساتۋدان تۇسپەك. وسى ارقىلى ۇيىم شامامەن 3,8 ملرد دوللار تابىس تابادى دەپ بولجانىپ وتىر. سونىمەن قاتار جارنامالىق كەلىسىمدەر مەن دەمەۋشىلىك سەرىكتەستىكتەر ارقىلى تاعى 2,4 ملرد دوللار كولەمىندە كىرىس تۇسەدى.

فيفا-نىڭ ەڭ ءىرى سەرىكتەستەرىنىڭ ءبىرى – ساۋد ارابياسىنىڭ Saudi Aramco مۇناي كومپانياسى. كومپانيا ۇيىمعا جىل سايىن شامامەن 100 ملن دوللار تولەيدى. سونداي-اق ەڭ تابىستى دەمەۋشىلەر قاتارىندا Adidas, Coca-Cola, Visa جانە Hyundai/Kia كومپانيالارى بار. ارقايسىسى فيفا-عا جىلىنا 80-120 ملن دوللار ارالىعىندا تابىس الىپ كەلەدى.

ءار قۇراماعا كەمى 5,9 ملرد تەڭگەدەن: فيفا الەم چەمپيوناتىنىڭ جۇلدە قورىن رەكوردتىق دەڭگەيگە كوتەردى

ايتا كەتەيىك, بۇگىن الەم چەمپيوناتىنىڭ العاشقى اشىلۋ ءراسىمى مەحيكو قالاسىنداعى «اتستەكا» ستاديونىندا وتەدى. جالپى ءمۋنديالدىڭ اشىلۋ سالتاناتىن ءۇش ەلدە وتكىزۋ جوسپارلانعان. ەرتەڭ 12 ماۋسىمدا اشىلۋ سالتاناتى كانادانىڭ تورونتو قالاسىنداعى BMO Field ستاديونىندا وتسە, 13 ماۋسىمدا ءۇشىنشى اشىلۋ سالتاناتى ۇيىمداستىرىلادى.

ەسكە سالا كەتەيىك, بۇعان دەيىن بىرقاتار ەلدىڭ فۋتبولشىلارى, تورەشىلەرى مەن دەلەگاتسيا مۇشەلەرى اقش اۋماعىنا كىرۋ كەزىندە ءتۇرلى كەدەرگىلەرگە تاپ بولعان ەدى. ماسەلەن افريكانىڭ ۇزدىك تورەشىلەرىنىڭ ءبىرى سانالاتىن سوماليلىك ومار ارتان ديپلوماتيالىق تولقۇجاتى بولا تۇرا اقش-قا كىرە الماعان. سونداي-اق يران قۇراماسىنىڭ 15 قىزمەتكەرىنە امەريكالىق ۆيزا بەرىلمەگەن. سونىڭ سالدارىنان كوماندا دايىندىق بازاسىن مەكسيكادا ورنالاستىرۋعا ءماجبۇر بولدى.