ءماجىلىس دەپۋتاتى باقىتجان بازاربەك اتقارۋشىلىق جازبالاردى راسىمدەۋ كەزىندە زاڭ تالاپتارىنىڭ ورەسكەل بۇزىلىپ جاتقانىن مالىمدەپ, كىنالى نوتاريۋستاردى ليتسەنزياسىنان ايىرۋ ماسەلەسىن كوتەردى. بۇل ماسەلە رەسپۋبليكالىق نوتارياتتىق پالاتا توراعاسى ولەگ پولۋموردۆينوۆپەن بولعان تالقىلاۋ بارىسىندا ايتىلدى, دەپ حابارلايدى Egemen.kz.
«ەگەر بورىشكەر قارىزدى مويىنداماسا جانە ماسەلە داۋلى بولسا, نوتاريۋس اتقارۋشىلىق جازبا جاساۋعا قۇقىلى ەمەس. بۇل جونىندە باس پروكۋراتۋرا ناقتى ۇستانىم ءبىلدىردى. اتقارۋشىلىق جازبا تەك داۋسىز تالاپتار بويىنشا عانا راسىمدەلۋى كەرەك», دەدى باقىتجان بازاربەك.
«بولاشاق» باعدارلاماسى: دەپۋتات بيۋدجەت قارجىسىن نەگىزسىز جۇمساعانداردىڭ ەسىمدەرىن جاريالاۋدى تالاپ ەتتى
ول باس پروكۋراتۋرانىڭ ۇسىنىسىندا اتى اتالعان نوتاريۋستارعا قاتىستى ناقتى شارا قابىلداۋدى تالاپ ەتتى. دەپۋتات پروكۋرورلىق قاداعالاۋ اكتىسى مىندەتتى تۇردە ورىندالۋى ءتيىس ەكەنىن ەسكە سالدى.
«پروكۋراتۋرا «قاراستىرۋ كەرەك» دەپ وتىرعان جوق. «ليتسەنزيادان ايىرۋ قاجەت» دەپ ناقتى كورسەتكەن. سوندىقتان ادىلەت مينيسترلىگى ءتيىستى شەشىم قابىلداۋعا مىندەتتى», دەدى دەپۋتات.
«900 مىڭ تەڭگە وتباسىما جەتپەيدى»: دەپۋتات باقىتجان بازاربەك اي سايىنعى جالاقى ازدىق ەتەتىنىن ايتتى
ءوز كەزەگىندە ولەگ پولۋموردۆينوۆ زاڭ بۇزعان نوتاريۋستار جاۋاپكەرشىلىكتەن قۇتىلمايتىنىن ايتتى.
«ەگەر نوتاريۋس بورىشكەردىڭ قارىزدى مويىنداعانىن راستايتىن قۇجاتسىز اتقارۋشىلىق جازبا راسىمدەسە, بۇل – زاڭدى تىكەلەي بۇزۋ. مۇنداي جاعدايدا نوتاريۋس مىندەتتى تۇردە جاۋاپ بەرەدى», دەدى و. پولۋموردۆينوۆ.
پالاتا توراعاسىنىڭ مالىمەتىنشە, باس پروكۋراتۋرا انىقتاعان فاكتىلەر بويىنشا بىرقاتار نوتاريۋس ليتسەنزياسىنان ايىرىلعان. ونىڭ ىشىندە الماتى قالاسىندا 6-7 نوتاريۋسقا قاتىستى شەشىم قابىلدانعان.
تالقىلاۋ بارىسىندا اتقارۋشىلىق جازبالاردى راسىمدەۋ ءتارتىبىن كۇشەيتۋ جانە ازاماتتاردىڭ قۇقىعىن قورعاۋ ماسەلەسى نەگىزگى نازاردا بولدى.
بۇعان دەيىن, دەپۋتات باقىتجان بازاربەك Platonus پلاتفورماسىنىڭ جەكەشەلەنىپ كەتكەنىن سىنعا العانى ءمالىم.