بەرلين قالاسىندا ەبولا ۆيرۋسىن جۇقتىرعان امەريكالىق دارىگەر اۋرۋحاناعا جاتقىزىلدى. ول ارنايى وقشاۋلانعان بولىمشەسى بار Charité كلينيكاسىنا جەتكىزىلگەن, دەپ حابارلايدى Egemen.kz.
BILD باسىلىمىنىڭ مالىمەتىنشە, اقش بيلىگى گەرمانيادان ناۋقاستى قابىلداۋدى سۇراعان, سەبەبى امەريكاعا قاراعاندا بەرلينگە جەتۋ وڭاي ءارى تەز.
Charité وكىلدەرى تۇرعىندار مەن باسقا پاتسيەنتتەر ءۇشىن قاۋىپ جوق ەكەنىن مالىمدەدى.
«بۇل بولىمشە تولىق جابىق ءارى قورعالعان جۇيە رەتىندە جوبالانعان. ول ءبىر ۋاقىتتا 20 ادامعا دەيىن قاۋىپسىز وقشاۋلاپ, دياگنوستيكالاپ جانە ەمدەۋگە مۇمكىندىك بەرەدى», دەدى كلينيكا وكىلى ماركۋس حەگگەن.
بولىمشە شليۋزدەرمەن, جەكە كىرەبەرىستەرمەن, تەرىس قىسىمدى جەلدەتۋ جانە سۇزگىلەۋ, سونداي-اق اعىندى سۋلاردى جابىق تۇردە وڭدەۋ جۇيەسىمەن جابدىقتالعان.
دەنساۋلىق ساقتاۋ مينيسترلىگى ەبولا ىندەتىنە بايلانىستى شۇعىل ەسكەرتۋ جاسادى
ستاففوردتىڭ قازىرگى جاعدايى تۋرالى اقپارات بەرىلگەن جوق. بەلگىلىسى ۇشار الدىندا ونىڭ جاعدايى اۋىر بولىپ, وزدىگىنەن ءجۇرۋى قيىنداعان.
ددۇ ەبولا دەرتىنە شالدىققاندار سانى ءالى دە ءوسۋى مۇمكىن ەكەنىن ەسكەرتتى. ۇيىمنىڭ مالىمەتىنە سايكەس, قازىر افريكادا 600 كۇماندى جاعداي تىركەلىپ, 139 ادام ينفەكتسيادان قايتىس بولدى دەگەن بولجام بار.
افريكادا ەبولا ۆيرۋسىنا بايلانىستى توتەنشە جاعداي جاريالاندى
ايتا كەتەيىك, دەنساۋلىق ساقتاۋ مينيسترلىگى ەبولا ىندەتىنە بايلانىستى شۇعىل ەسكەرتۋ جاسادى.