الماتى وبلىسىنىڭ پروكۋراتۋراسى ەڭبەك زاڭناماسىنىڭ ساقتالۋىن باقىلاۋ جانە جۇمىسشىلاردىڭ قۇقىقتارىن قورعاۋ باعىتىنداعى جۇمىستاردى جالعاستىرىپ جاتىر. جىل باسىنان بەرى وڭىردەگى ەكى ۇيىمدا قىزمەتكەرلەرگە جالاقى ۋاقىتىندا تولەنبەگەنى انىقتالعان, دەپ حابارلايدى Egemen.kz.
پروكۋراتۋرانىڭ مالىمەتىنشە, قابىلدانعان شارالاردىڭ ناتيجەسىندە 1 626 جۇمىسكەردىڭ قۇقىعى قورعالىپ, جالپى كولەمى 487 ميلليون تەڭگە بولاتىن جالاقى قارىزى تولىق وتەلدى.
انىقتالعان زاڭبۇزۋشىلىقتاردىڭ ءبىرى ەڭبەكشىقازاق اۋدانىنداعى «ALTYN ADAM» جەكەمەنشىك مەكتەبىندە تىركەلگەن. ءبىلىم بەرۋ مەكەمەسى ۇزاق ۋاقىت بويى 134 مۇعالىمگە جالاقى تولەمەگەن. جالپى بەرەشەك كولەمى 75,9 ميلليون تەڭگەنى قۇراعان.
پروكۋرورلىق قاداعالاۋ ناتيجەسىندە كىنالى تۇلعالار اكىمشىلىك جاۋاپكەرشىلىككە تارتىلىپ, ەڭبەك ينسپەكتسياسى زاڭبۇزۋشىلىقتاردى جويۋ تۋرالى نۇسقاما ەنگىزگەن. قازىرگى ۋاقىتتا قىزمەتكەرلەر الدىنداعى جالاقى قارىزى تولىق وتەلگەن.
پروكۋراتۋرا دەرەگىنە سايكەس, بيىل قابىلدانعان شارالاردىڭ ارقاسىندا جالپى 18 839 ازاماتتىڭ قۇقىعى قورعالعان.
ەسكە سالايىق, وسكەمەندە ءتىس ەمحاناسىنىڭ 53 قىزمەتكەرىنە ەكى ايدان بەرى جالاقى تولەنبەگەن.
ۇلتتىق ەكونوميكا مينيسترلىگى توعىز جىل ىشىندە ازاماتتاردىڭ جالاقىسى 41 پايىزعا وسكەنىن مالىمدەدى.