قازاقستاندا ابونەنتتىك ءنومىردى ءبىر بايلانىس وپەراتورىنان ەكىنشىسىنە اۋىستىرۋ (MNP) پروتسەدۋراسىنا ەلەۋلى وزگەرىستەر ەنگىزىلمەك. جاساندى ينتەللەكت جانە تسيفرلىق دامۋ مينيسترلىگى ءتيىستى بۇيرىق جوباسىن «اشىق نقا» پورتالىندا 6 ناۋرىزعا دەيىن تالقىلاۋعا شىعاردى, دەپ حابارلايدى Egemen.kz.
بايلانىس وپەراتورلارىنا قايتارىمسىز ۇلەستىك گرانت بەرىلەدى
سونىمەن قاتار مينيسترلىك ابونەنتتەر ءۇشىن قولايلى جاعداي جاساۋ ماقساتىندا دونور-وپەراتوردىڭ سۇرانىسقا جاۋاپ بەرۋ مەرزىمىن قاتاڭداتۋدى ۇسىنىپ وتىر. ەندىگى كەزەكتە وپەراتور ءنومىردى كوشىرۋ تۋرالى سۇرانىم تۇسكەن ساتتەن باستاپ 10 مينۋتتان اسپايتىن ۋاقىت ىشىندە رەسمي جاۋابىن قايتارۋعا مىندەتتەلەدى. «تۇزەتۋلەردىڭ نەگىزگى ماقساتى – ءنومىردى كوشىرۋ ءراسىمىن زاماناۋي تالاپتارعا ساي جەتىلدىرۋ جانە كليەنتتەرگە بارىنشا ىڭعايلى جاعداي جاساۋ. بۇل قادام ابونەنتتىڭ بايلانىسسىز قالاتىن كەزەڭىن بارىنشا قىسقارتۋعا جانە قىزمەت كورسەتۋ ساپاسىن جاڭا دەڭگەيگە كوتەرۋگە مۇمكىندىك بەرەدى», دەپ ءتۇسىندىردى ۆەدومستۆو وكىلدەرى.