قازاقستاندىق تاجىريبەلى مامان ۆلاديمير چەبۋرين فۋتبولدان قازاقستاننىڭ 21 جاسقا دەيىنگى (U-21) جاستار قۇراماسىنىڭ اعا باپكەرى بولىپ تاعايىندالدى, دەپ حابارلايدى Egemen.kz.
ۆلاديمير چەبۋرين ءار جىلدارى قاراعاندىلىق «شاحتەر» مەن كوكشەتاۋلىق «وقجەتپەس» كلۋبتارىن جاتتىقتىرعان. سونداي-اق شەتەلدە دە جەمىستى ەڭبەك ەتىپ, ليتۆا چەمپيوناتىندا جوعارى ناتيجەلەرگە قول جەتكىزدى.
مامان ليتۆالىق «كرۋويا», «سۋدۋۆا» جانە «جالگيريس» كوماندالارىن باسقاردى. اسىرەسە «سۋدۋۆا» مەن «جالگيريس» كلۋبتارىمەن بىرگە ايتارلىقتاي تابىسقا جەتىپ, التى مارتە ليتۆا چەمپيونى اتاندى. بۇدان بولەك, كوماندالارى ءۇش رەت ليتۆا كۋبوگىن جانە ەكى رەت سۋپەركۋبوكتى يەلەندى.
«وقجەتپەس» فۋتبول كلۋبى جەكەمەنشىك باسقارۋعا ءوتتى
جوعارى ناتيجەلەرى ءۇشىن ۆلاديمير چەبۋرين ليتۆادا ءۇش مارتە جىلدىڭ ۇزدىك باپكەرى اتاعىنا لايىق دەپ تانىلعان.
ايتا كەتەيىك, بۇعان دەيىن اسحات تاعىبەرگەن ۇلتتىق قۇراماعا ورالۋى مۇمكىن ەكەنىن حابارلاعان ەدىك.