استانادا 21 اقپاننان باستاپ ءۇش جاڭا مارشرۋت باعىتى اشىلادى. بۇل تۋرالى City Transportation Systems كومپانياسى مالىمدەدى, دەپ جازادى Egemen.kz.
№67 مارشرۋت – «ىرىسكەلدى قاجى» مەشىتى – «پريگورودنىي» تۇرعىن الابى («ورمان پارك» تك) ارقىلى جۇرەدى. بۇقار جىراۋ كوشەسىنىڭ كولىك قىزمەتىن جاقسارتىپ, ق. قايسەنوۆا كوشەسىنىڭ جاڭا ۋچاسكەسىن قوعامدىق كولىكپەن قامتيدى.
№74 مارشرۋت – «Altyn Besik» تۇرعىن ءۇي كەشەنى – «دوستار-1» تۇرعىن ءۇي كەشەنى باعىتىمەن قوزعالادى. ش. ايتماتوۆ جانە ۇلى دالا كوشەلەرىنىڭ جاڭا بولىكتەرىن قامتىپ, ايتەكە بي كوشەسىنە قوسىمشا كولىك قاتىناسىن قامتاماسىز ەتەدى.
جامبىل وبلىسىندا اۆتوبۋس پەن كولىك سوقتىعىسىپ, جولاۋشى قازا تاپتى
№76 مارشرۋت – «الاي» – «جەلەزنودوروجنىي» تۇرعىن الابىن قامتىپ, ا. پۋشكين كوشەسى بويىنداعى قوعامدىق كولىك قىزمەتىن كۇشەيتىپ, «جەلەزنودوروجنىي» تۇرعىن الابىن ساۋدا نىساندارىمەن تىكەلەي بايلانىستىرادى.
«سىعاناق كوشەسى مەن ايتەكە بي كوشەسىنىڭ قيىلىسىندا باعدارشام ورناتىلىپ, رەتتەلەتىن جولايرىق ۇيىمداستىرىلعانعا دەيىن №74 مارشرۋت ۋاقىتشا وزگەرەدى. ق. مۇحامەدحانوۆ كوشەسى باعىتىنا قاراي قوزعالىس انەت بابا كوشەسى ارقىلى جۇزەگە اسىرىلادى. قايتار باعىتتا بەكىتىلگەن سىزباعا سايكەس ايتەكە بي كوشەسىمەن قاتىنايدى. قالا تۇرعىندارىنان ەنگىزىلگەن وزگەرىستەردى ەسكەرىپ, ساپارلارىن الدىن الا جوسپارلاۋدى سۇرايمىز», دەلىنگەن كومپانيا حابارلاماسىندا.
اۆتوبۋس پاركى جاڭارتىلدى