تۇركىستان وبلىسىنىڭ جەتىساي اۋدانىنداعى شارۋالار بيىلعى العاشقى قاۋىن ءونىمىن جيناي باستادى, دەپ حابارلايدى Egemen.kz.
ء«ال-فارابي» شارۋا قوجالىعى ەگىستىكتەن 65 توننا قاۋىن جينادى. العاشقى ءونىمىن جيناعان ديقاندار بيىل ەگىس القاپتارىنا سۋدىڭ تۇراقتى جەتكىزىلگەنىنە ريزا.
«20 گەكتار جەرگە قاۋىن ەكتىك. سۋ جەتكىلىكتى بولدى, ەشقانداي تاپشىلىق كورگەن جوقپىز. سۋ ۇزدىكسىز بەرىلدى. ۋاقىتىلى سۋارۋدىڭ ارقاسىندا مول ءارى ەرتە ءونىم الىپ وتىرمىز», دەيدى شارۋا قوجالىقتىڭ توراعاسى ءال-فارابي انارباي ۇلى. جىل باسىنان بەرى تۇركىستان وبلىسىنىڭ اۋىل شارۋاشىلىعى قاجەتتىلىكتەرىنە 1 ملرد تەكشە مەتردەن استام سۋ بەرىلگەن. ونىڭ 293 ملن تەكشە مەترى جەتىساي اۋدانىنا تيەسىلى. اۋداندا باقشا داقىلدارىن سۋارۋعا 49 ملن تەكشە مەتر سۋ جىبەرىلدى. قازىر باقشا داقىلدارىن سۋارۋ جۇمىستارى جالعاسىپ جاتىر. ايتا كەتەيىك, بيىل شارۋالار ءۇشىن ديزەل وتىنىنىڭ باعاسى ليترىنە 263 تەڭگە دەڭگەيىندە بەكىتىلدى. الايدا تۇپكىلىكتى باعانى وڭىرلىك وپەراتورلار انىقتايدى, ول ليترىنە 281 تەڭگەنى قۇرايدى.