ونەركاسىپ جانە قۇرىلىس ۆيتسە-ءمينيسترى ولجاس ساپاربەكوۆ Nuctech Kazakhstan باسشىلىعىمەن كەزدەسۋ وتكىزىپ, ەلدە تەكسەرۋ-وتكىزۋ جابدىقتارىن ءوندىرۋ جوباسىن تالقىلادى. جيىنعا سونداي-اق پرەزيدەنت اكىمشىلىگى باسشىسىنىڭ ورىنباسارى اسەل جاناسوۆا قاتىستى, دەپ حابارلايدى Egemen.kz.
كەزدەسۋ بارىسىندا يمپورتتى الماستىرۋ جانە ەلەكتروندى ونەركاسىپتى دامىتۋ باعدارلاماسى اياسىندا الەمدىك نارىقتاعى جەتەكشى كومپانيالاردىڭ ءبىرى – Nuctech ونىمدەرىن قازاقستان اۋماعىندا شىعارۋ ماسەلەسى قارالدى.
جوبا مەملەكەت باسشىسىنىڭ كولىك-لوگيستيكا سالاسىن دامىتۋ, ترانزيتتىك الەۋەتتى كۇشەيتۋ جانە قازاقستاننىڭ ەۋرازيا كەڭىستىگىندەگى ستراتەگيالىق حاب رەتىندەگى ءرولىن ارتتىرۋ جونىندەگى تاپسىرمالارىن ىسكە اسىرۋ ماقساتىندا جۇزەگە اسپاق.
دەپۋتات قازاقستاندا تىڭايتقىش ءوندىرىسىن ۇلعايتۋدى ۇسىندى
جوسپار بويىنشا ءوندىرىس قۋاتتارى 2026 جىلدىڭ سوڭىنا قاراي ىسكە قوسىلادى. كاسىپورىندا Kylin Ti جانە XT2100 سەكىلدى زاماناۋي تەكسەرۋ كەشەندەرى, سونداي-اق جۇك پەن باگاجدى تەكسەرۋگە ارنالعان CX180180D جانە CX100100D رەنتگەن-تەلەۆيزيالىق قوندىرعىلارى شىعارىلماق.
جاڭا ءوندىرىس يننوۆاتسيالىق تەحنولوگيالار پاركى ارنايى ەكونوميكالىق ايماعىندا ورنالاسادى.
سونىمەن بىرگە جوبا اياسىندا سەرۆيستىك ورتالىقتار جەلىسى مەن قوسالقى بولشەكتەر قويماسى قۇرىلىپ, جابدىقتاردىڭ ۇزدىكسىز جۇمىسىن قامتاماسىز ەتۋ كوزدەلىپ وتىر.
مامانداردىڭ ايتۋىنشا, بۇل باستاما ەلەكتروندى ونەركاسىپتىڭ دامۋىنا سەرپىن بەرىپ, جاڭا جۇمىس ورىندارىن اشۋعا, وتاندىق مامانداردىڭ بىلىكتىلىگىن ارتتىرۋعا جانە شەتەلدىك ونىمدەرگە تاۋەلدىلىكتى ازايتۋعا مۇمكىندىك بەرەدى.
قازاقستان اسكەري ماقساتتاعى درون ءوندىرىسىن قانشالىقتى جولعا قويدى؟
جوبا جۇزەگە اسقان جاعدايدا, وتاندىق وندىرىستەگى تەكسەرۋ جۇيەلەرى تۇزەۋ مەكەمەلەرى, تەمىرجول ۆوكزالدارى, اۋەجايلار مەن ستراتەگيالىق نىساندارداعى قاۋىپسىزدىك ينفراقۇرىلىمىن جاڭعىرتۋعا پايدالانىلماق.
ايتا كەتەيىك, قىزىلوردا وبلىسىندا اۋىل شارۋاشىلىعىنا جاڭا باعىت رەتىندە قاراسورا وسىرىلەدى.