2026 جىلعى 16 مامىردا كەشكى ساعات 23:10 شاماسىندا پاۆلودار اليۋميني زاۋىتىندا وندىرىستىك وقيعا تىركەلدى. №3 پەشتىڭ كەپتىرۋ ايماعىن تازالاۋ كەزىندە جينالىپ قالعان ماتەريال قاباتىنىڭ ءبىر بولىگى قۇلاعان, دەپ حابارلايدى Egemen.kz.
سول ساتتە اۋماقتا كۇيەجەنتەكتەۋ تسەحىنىڭ ەكى قىزمەتكەرى جۇمىس ىستەپ جۇرگەن. وقيعا سالدارىنان ديىرمەن ءماشينيسى وڭ اياعىنان جاراقات الىپ, سۇيەگى سىنعان. ال اگلومەراتتاۋشىنىڭ وڭ اياعىنداعى جۇمساق تىندەر زاقىمدانعانىمەن, دارىگەرلەر سۇيەك سىنۋىن انىقتامادى. ونىڭ ەڭبەككە جارامدى ەكەنى حابارلاندى.
زارداپ شەككەندەرگە وقيعا ورنىندا العاشقى مەديتسينالىق كومەك كورسەتىلىپ, كەيىن وبلىستىق اۋرۋحاناعا جەتكىزىلگەن. مەديتسينالىق تەكسەرۋدەن سوڭ اگلومەراتتاۋشى امبۋلاتوريالىق باقىلاۋعا جىبەرىلسە, ديىرمەن ءماشينيسى اۋرۋحاناعا جاتقىزىلدى.
وقيعادان كەيىن ونەركاسىپ قاۋىپسىزدىگىنە جاۋاپتى ۋاكىلەتتى ورگان ماماندارى زاۋىت اۋماعىندا تەكسەرۋ جۇرگىزدى. ناتيجەسىندە قاۋىپتى وندىرىستىك نىساندا اپات بەلگىلەرى انىقتالماعانى ءمالىم بولدى.
ايتا كەتەيىك, وسكەمەن قالاسىنداعى كاربىشەۆ كوشەسىندە ورنالاسقان اسپالى جاياۋ جۇرگىنشىلەر كوپىرىندە 8 ادام زارداپ شەكتى.
اقمولا وبلىسىنداعى ءسۇت زاۋىتىندا جارىلىس بولىپ, 2 جۇمىسشى كۇيىك الىپ اۋرۋحاناعا جەتكىزىلدى.