الماتى تاۋلارىندا قۇتقارۋشىلار تاۋدان ءوز بەتىنشە تۇسە الماعان 36 جاستاعى قىتاي ازاماتىنا كومەككە كەلدى. تجم مالىمەتىنشە, شەتەلدىك تۋريست تىزەسىن جاراقاتتاپ العان, دەپ حابارلايدى Egemen.kz.
قىتايلىق تۋريست تاۋدان ءتۇسۋ ءۇشىن قۇتقارۋشىلاردان كومەك سۇراعان.
حابارلامادان كەيىن سول جەرگە الماتى قالاسى تجد قۇتقارۋ قىزمەتىنىڭ ماماندارى مەن اپاتتار مەديتسيناسى ورتالىعىنىڭ بريگاداسى جىبەرىلگەن.
تجم مالىمەتىنشە, بەرىلگەن گەولوكاتسيانىڭ كومەگىمەن قۇتقارۋشىلار ءتۋريستىڭ ورنىن جەدەل انىقتاپ, وعان تەز ارادا جەتكەن. زارداپ شەككەن ادامعا العاشقى مەديتسينالىق كومەك كورسەتىلىپ, تاۋدان امان-ەسەن ءتۇسىرىلدى.
بۇدان سوڭ تۋريست اپاتتار مەديتسيناسى ورتالىعىنا جەتكىزىلدى.
اقتاۋ ماڭىندا شۆەيتساريالىق تۋريستەر مىنگەن كولىك اۋدارىلىپ قالدى
ەسكە سالايىق, بۇعان دەيىن الماتى دارىگەرلەرى يتاليالىق ءتۋريستىڭ ءومىرىن ساقتاپ قالعانى تۋرالى جازعانبىز.