پرەمەر-مينيستر ك.ماسىموۆتىڭ توراعالىق ەتۋمەن ۇكىمەت جانىنداعى قۇقىق بۇزۋشىلىقتىڭ پروفيلاكتيكاسى جونىندەگى ۆەدومستۆوارالىق كوميسسيانىڭ ءبىرىنشى وتىرىسى بولىپ ءوتتى. وندا قۇقىق بۇزۋشىلىقتىڭ پروفيلاكتيكاسى بويىنشا قۇقىق قورعاۋ جانە ءۋاكىلەتتى ورگانداردىڭ قىزمەتىنە قاتىستى بىرقاتار ءماسەلەلەر تالقىلاندى. ماجىلىستە ىشكى ىستەر ءمينيسترى ق.قاسىموۆ ناشاقورلىققا جانە ەسىرتكى بيزنەسىنە قارسى ءىس-قيمىل بويىنشا قابىلدانىپ جاتقان شارالار تۋرالى بايانداما جاسادى.
مينيستر «اۋعاندىق» ەسىرتكى ترافيگى, شۋ القابىنىڭ پروبلەماسى, رەسەي مەن ەۋروپادان كەلەتىن ەسىرتكى ترافيگى, ەسىرتكىنى قولدان ءوندىرۋ ماسەلەلەرىنە جانە وتكىزىلىپ جاتقان جەدەل-پروفيلاكتيكالىق ءىس-شارالاردىڭ ءناتيجەلەرىنە كەڭىنەن توقتالدى. سونىمەن قاتار, مەكتەپتەگى ەسىرتكى بەكەتتەرىنىڭ جۇمىسىن جاڭعىرتۋدىڭ جانە ەسىرتكىگە تاۋەلدىلەرگە الەۋمەتتىك كومەك, پسيحولوگيالىق قولداۋ كورسەتۋدىڭ, ولاردى ەڭبەككە ورنالاستىرۋدىڭ ناقتى تەتىكتەرىن ازىرلەۋ, سونداي-اق كەيبىر تۇزەۋ مەكەمەلەرىن مامانداندىرىلعان مەكەمەلەر رەتىندە قايتا ۇيىمداستىرۋ قاجەتتىلىگى جانە كامەلەتكە تولماعاندار اراسىنداعى قۇقىق بۇزۋشىلىقتىڭ الدىن الۋ جونىندەگى مەملەكەتتىك ساياساتتىڭ جۇزەگە اسىرىلۋىن قامتاماسىز ەتۋ, الكوگوليزمدى, ناشاقورلىقتى, ۋىتقۇمارلىقتى ەرتە انىقتاۋ جانە ولاردىڭ الدىن الۋ ءادىستەمەلەرىن ازىرلەۋ بويىنشا قابىلدانىپ جاتقان شارالار تالداندى, دەپ حابارلادى ەسىرتكى بيزنەسىنە قارسى كۇرەس كوميتەتىنىڭ ءباسپاسوز قىزمەتى.