قازاقستاننىڭ باسەكەلەستىكتى قورعاۋ جانە دامىتۋ اگەنتتىگىنىڭ توراعاسى مارات وماروۆ «قازاقفيلم» كينوستۋدياسى ەكى رەت اكىمشىلىك جاۋاپكەرشىلىككە تارتىلعانىن ايتتى, دەپ حابارلايدى Egemen.kz.
2025 جىلعى 14 قاڭتاردا ءماجىلىس دەپۋتاتى ەلنۇر بەيسەنباەۆ قازاقستانداعى كينوتەاترلاردى ارتىق پايدا تاپپاۋ ءۇشىن تەكسەرۋدى جانە كينوتەاترلار, پروكات كومپانيالارى مەن كينوستۋديالار اراسىنداعى قولدانىستاعى كەلىسىمشارتتاردى زەرتتەۋدى سۇراعان.
مارات وماروۆ اتاپ وتكەندەي, «قازاقفيلم» باسەكەلەستىكتى قورعاۋ جانە دامىتۋ اگەنتتىگىنە جالعان نەمەسە تولىق ەمەس مالىمەت ۇسىنعانى ءۇشىن ەكى رەت اكىمشىلىك جاۋاپكەرشىلىككە تارتىلدى. جالپى ايىپپۇل سوماسى – 2 831 040 تەڭگە.
سونىمەن قاتار, اگەنتتىكتىڭ الماتى بويىنشا دەپارتامەنتى «كينوپارك تسەنتر» جشس ارەكەتتەرىندە ۇستەمدىك پوزيتسيانى تەرىس پايدالانۋ بەلگىلەرىن انىقتادى. اگەنتتىكتىڭ دەرەكتەرى بويىنشا كومپانيا كينو پروكاتى قىزمەتتەرىنە قولجەتىمدىلىكتى شەكتەپ, جارنامالىق بيۋدجەتتى مىندەتتەپ وتىرعان. 2025 جىلعى 12 تامىزدان باستاپ دەپارتامەنت الماتىداعى كينو پروكاتى نارىعىن تالداۋدى باستادى.
تالداۋ جۇمىستارى كورسەتكەندەي, زەرتتەلگەن كەزەڭدە قالاداعى جالپى كينو پروكاتى كولەمى 16,8 ملرد تەڭگە, ونىڭ ىشىندە «كينوپارك» كومپانياسىنىڭ ۇلەسى – 6,3 ملرد تەڭگە نەمەسە 37,9%.
«قازاقفيلم» وندىرىستىك نىساندارىنىڭ مەملەكەت مەنشىگىندە قالاتىنىن رەسمي مالىمدەدى
«قازىرگى ۋاقىتتا تالداۋ اياقتالۋ ساتىسىندا, ناتيجەسى بويىنشا اگەنتتىك توو «كينوپارك تسەنتر» قاتىستى ءتيىستى شارالاردى قابىلدايتىن بولادى. قوسىمشا, ماۋسىم ايىنىڭ سوڭىنا دەيىن اگەنتتىك كينو پروكاتى نارىعىنداعى باسەكەلەستىكتىڭ جالپى جاعدايىن تالدايدى», دەلىنگەن قۇجاتتا.
«قازاقفيلمدى» قارجىلاندىرۋ تەتىكتەرى قايتا قارالدى