استانادا «ادىلەتتى جانە پروگرەسسيۆتى قازاقستاننىڭ حالىقتىق كونستيتۋتسياسى ءۇشىن!» جالپىۇلتتىق كواليتسياسىنىڭ مۇشەلەرى حوككەي كلۋبىن قولداۋ جانە ەلدەگى كونستيتۋتسيالىق رەفورمالاردى قولداۋ ماقساتىندا قوعامدىق اكتسياعا قاتىستى, دەپ حابارلايدى Egemen.kz.
ءىس-شارا اياسىندا تريبۋنالاردا بىرلىك, پاتريوتيزم جانە ۇلتتىق سپورتتى قولداۋ ءۇشىن قازاقستان رەسپۋبليكاسىنىڭ مەملەكەتتىك تۋى جايىلدى.
سونىمەن قاتار قاتىسۋشىلار كونستيتۋتسيالىق رەفورمالاردى قولداۋعا ارنالعان ارنايى تاقىرىپتاعى پەرفورمانس ۇيىمداستىردى. ازاماتتىق ىنتىماقتاستىق پەن جاڭارۋ باعىتىندا ادالدىقتىڭ بەلگىسى رەتىندە «جاڭا كونستيتۋتسيا ءۇشىن» دەگەن جازۋى بار تۋ اشىلدى.
اكتسيا قوعامدىق ديالوگتىڭ ماڭىزىن, ستراتەگيالىق وزگەرىستەر توڭىرەگىندە ازاماتتاردىڭ توپتاسۋىن, سونداي-اق جاۋاپكەرشىلىك پەن بىرلىك سياقتى قۇندىلىقتاردى دامىتۋدىڭ وزەكتىلىگىن كورسەتتى.
كونستيتۋتسيا كۇنى 15 ناۋرىزدا اتالىپ ءوتۋى مۇمكىن
ءىس-شارا بارىسىندا جانكۇيەرلەر, قوعام بەلسەندىلەرى مەن قالا تۇرعىندارى ءبىر ارناعا توعىسىپ, ءوزارا قولداۋ مەن ىنتىماقتى, سونداي-اق مەملەكەتتىك رامىزدەرگە دەگەن ايرىقشا قۇرمەتتى ايقىن كورسەتتى.
قوعامدىق كەڭەس مۇشەلەرى جاڭا كونستيتۋتسيا جوباسىن تالقىلايدى