وسكەمەن قالالىق پروكۋراتۋراسىنىڭ قىزمەتكەرلەرى «ەل تاۋەلسىزدىگىنىڭ 20 جىلدىعىنا – 20 ءتۇپ اعاش» اكتسياسى بويىنشا مەكەمە جانىندا اعاش كوشەتتەرىن وتىرعىزدى. وسكەمەن قالاسىنىڭ پروكۋرورى سەرىكجان تاسجانوۆتىڭ ايتۋىنشا, ايتۋلى مەرەكە قارساڭىندا باسقا دا شارالار اتقارىلماق. كوشەلەردى تازارتۋ, پروكۋراتۋرا سالاسىندا قىزمەت ەتكەن ارداگەرلەرگە كومەك كورسەتۋ, باسقا دا يگىلىكتى ىستەر نازاردان تىس قالمايدى.
قالالار مەن اۋداندارداعى پروكۋراتۋرا سالاسىنىڭ قىزمەتكەرلەرى دە اۋلالاردى تازا ۇستاۋ, اعاش وتىرعىزۋعا بەلسەنە ارالاسۋدا.
وڭداسىن ەلۋباي.
وسكەمەن.