كولىك جۇيرىك بولسا... قىلمىس تا تەز قۇرىقتالادى

ارىنداعان تۇلپارداي اپ­پاق اۆتوكولىكتەر قوستانايدىڭ ورتا­لىق الاڭىندا قازداي ءتىزىلدى. سىم­داي تارتىلىپ ساپقا تۇرعان پوليتسەيلەر سالتاناتتى تۇردە ايماق باسشىسىنىڭ قولىنان كو­لىكتەردىڭ كىلتىن الدى. سوڭعى جىلدارى وبلىس اكىمى سەرگەي كۋلاگين ءتارتىپ ساقشىلارىنىڭ ما­تەريالدىق جاع­دايىنىڭ جاق­سا­رۋى­­نا ايتار­لىق­تاي قولداۋ كور­سەتىپ كەلەدى. بىرنەشە جىل­دىڭ ىشىندە ولاردىڭ فور­ماسى تۇگەل جا­ڭارتىلدى, بارلىق ۋچاسكەلىك پۋنكتتەر كومپيۋتەرمەن جاب­دىق­­تالدى, كوشە ءتارتىبىن با­قى­لاي­تىن ۆيدەوكامەرالار ورنا­تىل­­دى. وبلىس اكىمشىلىگىنىڭ كو­مەگىمەن ىشكى ىستەر دەپار­تامەنتى­نىڭ اۆتوپاركى دە جىل سايىن تو­لىقتىرىلىپ وتىر. وسى جولى وبلىس باسشىسى 124 ماشينا­نىڭ 51-ءىن ۋچاسكەلىك پوليتسەيلەرگە, ىشىندە ۆيدەوباقىلاعىشى, كومپيۋتەرى بار اۆتوماشينانى جول پوليتسياسىنا, 27 كولىك قىلمىس­تىق جەدەل تەرگەۋ بولىمشە­لەرى­نىڭ, 16 ماشينانى كەزەكشى ءبولىم, قالعانىن باسقا دا قىزمەت ءبولىم­دەر قىزمەتكەرلەرىنە تابىس ەتتى. تەحنيكالىق يننوۆاتسيانىڭ ەنگىزىلۋى پوليتسيا جۇمىسىن­داعى تيىمدىلىكتى ەسەلەپ ارتتى­را­تىنىن وسى سالتاناتتى شارادا وبلىس­تىق ىشكى ىستەر دە­پارتامەنتىنىڭ باس­تىعى, گەنەرال-مايور بولات بايجاساروۆ تا ايتىپ ءوتتى. قازىر تۇرعىندار وبلىس­تىق ىشكى ىستەر دەپارتامەنتىنە ءوز­دەرىنىڭ ءوتىنىشى مەن ارىز-شاعىمىن ەلەكتروندى تۇردە جىبەرە باستادى. جول قوز­عا­لى­سىنىڭ اۆتوماتتى باس­قارۋ جۇيەسىن جانە قوزعالىس كۇشەي­گەن مەزگىلدەردە الىستان باسقا­رى­لاتىن ۆي­دەوباقىلاۋ كامەرا­لارى بار باع­دارشامداردىڭ قو­سىلۋى وبلىس ورتالىعىندا ءجۇ­رىس-تۇرىستى رەتتەدى. اپات ءجيى ورىن الاتىن, قوز­عالىسى كوپ كوشەلەرگە 10 ستاتسيو­نارلىق فوتوكامەرا ورناتىلعان. ماتە­ريال­دىق-تەحنيكالىق بازانىڭ نىعا­يۋى ءسوز جوق, قىلمىستىلاردى ۇس­تاۋعا, ونىڭ الدىن الۋعا وڭ ىق­پال جاسايدى. ۇستىمىزدەگى جىل­دىڭ ءبىرىنشى توقسانىندا وتكەن جىلدىڭ وسى مەرزىمىمەن سالىس­تىر­عاندا اۋىر قىلمىستاردىڭ اشىلۋى 15,4 پايىزعا وسكەن. ال جاسوسپىرىمدەر جاساعان قىلمىس 42,9 پايىزعا دەيىن ازايعان. ماشينا مىنگەن پوليتسەي­لەر­دىڭ اراسىندا قوستاناي قا­لا­لىق ىشكى ىستەر باسقار­ما­سىنىڭ ۋچاسكەلىك ينسپەكتورى باۋىرجان يلياس تا بار. ول قالانىڭ شەتىنە تامان ورنا­لاس­قان «2-قوس­تا­ناي» دەپ اتا­لاتىن ەڭ «مازاسىز» تۇرعىن اۋداننىڭ ءتارتىبىن كۇزەتەدى. – تۇرعىن اۋداننىڭ ۇزىن-ىر­عاسى 10 كيلومەتردى قۇرايدى. ما­شينا جوق كەزدە ونى ارالاپ شى­عۋدىڭ قيىندىعى كوپ بولا­تىن. ەندى ماشينامەن وقيعا ور­نىنا بۇرىنعىدان تەزىرەك جەتەمىز, – دەيدى باۋىرجان. بۇل تەك باۋىر­جان­نىڭ عانا ەمەس, ونىڭ كولىك مىنگەن بارلىق ارىپتەستەرىنىڭ لەبىزى دەر ەدىك. ال باۋىرجاننىڭ ءوزى باسقا دا قىزمەت وكىلدەرىمەن بىرلەسىپ, جىل­دىڭ باسىنان بەرى ون قىلمىستىڭ بەتىن اشتى. ءنازيرا جارىمبەتوۆا. قوستاناي.