عىلىم جولى قاشاندا جەڭىل بولماعان عوي. دانىشپان اباي ونىڭ ينەمەن قۇدىق قازعانداي قيىن ەكەنىن بەكەر ايتپاسا كەرەك. بۇكىل سانالى ءومىرىمدى وسى سالاعا ارنادىم. سوڭعى كەزدەرى ەكى كوزىم سىر بەرىپ, قانشاما اق حالاتتى ابزال جانداردىڭ الدىنا باردىم.
قوس جاناردىڭ شىراقشىسىنداي بولعان الماتىداعى قازاق كوز اۋرۋلارى عىلىمي زەرتتەۋ ينستيتۋتى استانالىق ءبولىمشەسىنىڭ اشىلعانىن ەستىپ, سوندا بارعان ەدىم. ون كۇن ەمدەلدىم. بۇلدىراي بەرەتىن كوزىم قازىر اشىلعان سەكىلدى. كەيدە سوندا قىزمەت ەتەتىن ابزال جانداردىڭ ىزەتى شيپا بولدى ما دەيمىن.
بولىمشە ديرەكتورى الميرا بۇلعاقوۆا باستاعان ءدارىگەرلەر مەن مەدبيكەلەردىڭ جىلى ءجۇزدەرى, بيازى سوزدەرى كوڭىلگە نۇر قۇيادى. ون كۇننىڭ ىشىندە مەن ولاردىڭ اكەسىندەي, ولار مەنىڭ قىزىمداي بولدى. وسىنداي اسىل جاندارعا ەل گازەتى ارقىلى اكەلىك العىسىمدى ايتسام دەيمىن.
كۇن ساناپ كوركەيىپ كەلە جاتقان استانادان ىرگەلى ينستيتۋت بولىمشەسىنىڭ اشىلۋى ۇلكەن جەتىستىك دەپ بىلەمىن. بولاشاقتا بولىمشە ايتۋلى ورتالىق بولىپ, قوس جانارىنان قيىندىق كورىپ ءجۇرگەن مەن سياقتى قارتتارعا ءۇمىت ساۋلەسىن شاشا بەرەتىنى ءسوزسىز.
تومان جۇمادىل ۇلى, پروفەسسور, تىل ارداگەرى.