باتىس قازاقستاندا ورىن العان تابيعات اپاتىنان زارداپ شەككەن باۋىرلارىمىزعا قولۇشىن سوزۋ, جاندارىنا دەمەۋ بولۋ ءاربىرىمىزدىڭ ازاماتتىق بورىشىمىز. وسى ماقساتتا «نۇر وتان» حدپ پرەزيدەنتتىك مادەنيەت ورتالىعىنداعى باستاۋىش پارتيا ۇيىمىنىڭ جاستار قاناتى باستاما كوتەرىپ, ارىپتەستەرىنىڭ ءبىر كۇندىك جالاقىسىن قايىرىمدىلىق كومەك رەتىندە ارنايى اشىلعان ەسەپ-شوتقا اۋدارۋعا ءۇندەدى. «جۇمىلا كوتەرگەن جۇك جەڭىل» دەمەكشى, باتىستاعى باۋىرلارىمىزدىڭ باسىنا تۇسكەن قيىندىقتى ءبولىسىپ, ورتالىق قىزمەتكەرلەرى ءبىراۋىزدان ءبىر كۇندىك جالاقى ەسەبىنەن جيناقتالعان 600 مىڭ تەڭگەنى كومەك قورىنىڭ ەسەپ-شوتىنا اۋداردى.