قازاقستان رەسپۋبليكاسىنىڭ پرەزيدەنتى نۇرسۇلتان نازارباەۆتىڭ جارلىعىمەن قۇمار ىرگەباي ۇلى اقساقالوۆ سولتۇستىك قازاقستان وبلىسىنىڭ اكىمى بولىپ تاعايىندالدى, دەپ حابارلاندى اقوردانىڭ تۆيتتەردەگى پاراقشاسىندا. 2014 جىلدىڭ 27 مامىرىنان باستاپ وبلىستى ەرىك سۇلتانوۆ باسقارىپ كەلگەن ەدى.
اقساقالوۆ قۇمار ىرگەباي ۇلى 1965 جىلى قوستاناي وبلىسىندا تۋعان. 1987 جىلى ۆ.پ.گورياچكين اتىنداعى ماسكەۋ اۋىل شارۋاشىلىعى ءوندىرىسىنىڭ ينجەنەرلەرى ينستيتۋتىن بىتىرگەن. 1987-1989 ج.ج. قوستاناي وبلىسى ۋريتسكي اۋدانى «كرىلوۆسكي» كەڭشارىنىڭ باس ينجەنەرى, 1989-1991 ج.ج. قازاقستاننىڭ لكجو-نىڭ قوستاناي وبلىسى ۋريتسكي اۋداندىق كوميتەتىنىڭ ءبىرىنشى حاتشىسى, 1991-1992 ج.ج. قوستاناي وبلىسى ۋريتسكي اۋدانى «ماياك» كەڭشارىنىڭ باس ينجەنەرى, 1992-1993 ج.ج. قوستاناي وبلىسى قوستاناي اۋدانى «نوۆوسەلوۆكا» مەملەكەتتىك شاعىن كاسىپورنىنىڭ ديرەكتورى, 1993-1996 ج.ج. قوستاناي وبلىسى قوستاناي اۋدانى «قوستاناي» عىلىمي-وندىرىستىك بىرلەستىگى ديرەكتورىنىڭ ورىنباسارى, 1996-1998 ج.ج. قوستاناي وبلىسى مەڭدىقارا اۋدانىنىڭ «سەۆەر» ۇجىمشارىنىڭ توراعاسى, «سەۆەر» ااق پرەزيدەنتى, 1998-2002 ج.ج. قوستاناي وبلىسى مەڭدىقارا اۋدانىنىڭ اكىمى, 2002-2004 ج.ج. قوستاناي وبلىسى تاران اۋدانىنىڭ اكىمى, 2004-2006 ج.ج. قازاقستان رەسپۋبليكاسى پرەزيدەنتى اكىمشىلىگىنىڭ مەملەكەتتىك باقىلاۋ جانە ۇيىمداستىرۋ جۇمىسى ءبولىمىنىڭ مەملەكەتتىك ينسپەكتورى, 2006-2010 ج.ج. جامبىل وبلىسى اكىمىنىڭ ورىنباسارى, 2010-2014 ج.ج. «نۇر وتان» حالىقتىق دەموكراتيالىق پارتياسى ورتالىق اپپاراتىنىڭ باسشىسى, 2014-2015 ج.ج. «نۇر وتان» پارتياسىنىڭ حاتشىسى قىزمەتتەرىن اتقاردى.