مەملەكەت باسشىسى نۇرسۇلتان نازارباەۆ مالىك ءمىرزاليندى اقمولا وبلىسىنىڭ اكىمى قىزمەتىنە تاعايىندادى, دەپ حابارلاندى اقوردانىڭ تۆيتتەردەگى پاراقشاسىندا.
مالىك مىرزالين 1971 جىلعى 31 قازاندا اقتوبە قالاسىندا تۋعان. 1996 جىلى رەسەي فەدەراتسياسى سىرتقى ىستەر مينيسترلىگىنىڭ ماسكەۋ مەملەكەتتىك حالىقارالىق قاتىناستار ينستيتۋتىن بىتىرگەن. 2006 جىلى يەل ۋنيۆەرسيتەتىنىڭ مەنەدجمەنت مەكتەبىندە (اقش) بىلىكتىلىگىن ارتتىرۋدان وتكەن. ساياسي عىلىمدارىنىڭ كانديداتى (2010 ج.).
1996 - 2004 جىلدارى - قازاقستان رەسپۋبليكاسىنىڭ رەسەي فەدەراتسياسىنداعى ەلشىلىگىنىڭ رەفەرەنتى, اتتاشەسى, ءۇشىنشى, ەكىنشى, ءبىرىنشى حاتشىسى, 2004 - 2006 جىلدارى - سولتۇستىك قازاقستان وبلىسى اكىمىنىڭ اپپارات باسشىسى, 2006 - 2007 جىلدارى - سولتۇستىك قازاقستان وبلىسى اكىمىنىڭ ورىنباسارى, 2007 - 2008 جىلدارى سولتۇستىك قازاقستان وبلىسى اكىمىنىڭ ءبىرىنشى ورىنباسارى, 2008 - 2009 جىلدارى - «نۇر وتان» حالىقتىق-دەموكراتيالىق پارتياسى ورتالىق اپپاراتى باسشىسىنىڭ ورىنباسارى, 2010 - 2011 جىلدارى - قازاقستان رەسپۋبليكاسى پرەزيدەنتى ءىس باسقارماسىنىڭ اپپارات باسشىسى, 2011 - 2013 جىلدارى - قازاقستان رەسپۋبليكاسى ءدىن ىستەرى اگەنتتىگىنىڭ جاۋاپتى حاتشىسى, 2013 – 2016 جىلدارى - قازاقستان رەسپۋبليكاسى پرەزيدەنتى ءىس باسقارۋشىسىنىڭ ورىنباسارى, 2016 جىلدىڭ جەلتوقسان ايىنان باستاپ قازاقستان رەسپۋبليكاسى پرەزيدەنتى ءىس باسقارۋشىسىنىڭ ءبىرىنشى ورىنباسارى قىزمەتتەرىن اتقارعان.
«قۇرمەت» وردەنىمەن (2014 ج.), «ەرەن ەڭبەگى ءۇشىن» مەدالىمەن (2005 ج.) ماراپاتتالعان.