وڭتۇستىك قازاقستان وبلىسىنداعى سارىاعاش دەمالىس ايماعىندا تاعى ءبىر شيپاجاي اشىلدى. «اق تىلەك» ساۋىقتىرۋ ورنىنىڭ قۇرىلىسىنا 505 ملن. تەڭگە جۇمسالعان. زاماناۋي ۇلگىدە سالىنعان نىساندى جەرگىلىكتى بيلىك باق وكىلدەرىنە تانىستىردى, دەپ حابارلايدى قازاقپارات.
جاڭادان سالىنعان شيپاجاي 150 ادامعا قىزمەت كورسەتۋگە قاۋقارلى. زاماناۋي قۇرالدارمەن جابدىقتالعان دەمالىس ورنى بارلىق تالاپتارعا ساي جاسالعان.
سونداي-اق, جەرگىلىكتى 100-گە تارتا تۇرعىن جۇمىسپەن قامتىلدى.
ايتا كەتەيىك, سارىاعاش دەمالىس ايماعىندا بۇگىندە 22 ەمدىك ساۋىقتىرۋ ورتالىعى قىزمەت ەتەدى. اۋداندا مينەرالدىق جانە تەرمالدىق سۋلاردى پايدالانۋ ارقىلى ساۋىقتىرۋ ءتۋريزمى جولعا قويىلعان. سايالى مەكەننىڭ تۋريستىك الەۋەتىن ودان ارمەن كوتەرۋ ءۇشىن قوسىمشا باعدارلاما جاسالىپ, قولعا الىنۋدا. وعان سايكەس كۋرورت اۋماعىن 530 گەكتارعا ۇلعايتۋ جوسپارلانعان.
اۋداندىق كاسىپكەرلىك ءبولىمى قىزمەتكەرلەرى كۋرورتتىق تۋريزم باعىتى بويىنشا تاعى 10 جوبانىڭ ۇسىنىلىپ, جوبالىق سمەتالىق قۇجاتتارى ازىرلەنىپ جاتقانىن ايتادى.