ناۋرىزدان باستاپ كوممۋنالدى قىزمەت تولەمدەرىنىڭ قاتارىنا "جىلجىمايتىن م ۇلىكتى ساقتاندىرۋ" دەگەن سانات ەندى. وعان ءار جىلجىمايتىن م ۇلىك يەسى 95 نەمەسە 295 تەڭگە كولەمىندە تولەم تولەيدى, دەپ جازادى krisha.kz.
"ساقتاندىرۋ كومپانيالارىنىڭ ءبىرى بىزگە كەلىپ وسىنداي تولەم ءتۇرىن ەنگىزۋدى ۇسىندى. بۇل تۋرالى بارلىق مالىمەتتەر كۆيتانتسيادا جازىلعان. ءبىزدىڭ ويىمىزشا, بۇل تولەم ءتۇرى قازىر تۇرعىندارعا قاجەت. ماسەلەن, كورشىلەردىڭ بىرىنەن اققان سۋ ەكىنشىسىنىڭ توبەسىنە نەمەسە قابىرعاسىنا زاقىم كەلتىرگەندە پاتەر يەلەرى سوتتاسىپ جاتادى. ال جاڭا قىزمەت تۇرلەرى ارقىلى ساقتاندىرۋ كومپانيالارى زاقىمدى جاۋىپ بەرمەك", - دەيدى "يۆتس" جشس ديرەكتورى ۆالەنتينا رەزنيكوۆا.
ايتا كەتەرلىگى, بۇل تولەم ءتۇرى ەرىكتى, ءماجبۇرلى ەمەس.
اي سايىن وسى ساقتاندىرۋعا 95 تەڭگە تولەگەن مەنشىك يەسى سۋ اققان كەزدە نەمەسە ءورت بولعاندا ساقتاندىرۋ كومپانياسىنان 50 مىڭ, ال 295 مىڭ تەڭگە تولەگەندەر 150 مىڭ تەڭگە وتەماقى الا الادى.
ءبىر ەسكەرەرلىگى, ءورت پەن سۋدىڭ توگىلۋىنە كىمنىڭ كىنالى ەكەنى بۇل جەردە ماڭىزدى ەمەس. باستىسى, وقيعا بولعاننان كەيىن ءۇش كۇن ىشىندە ساقتاندىرۋ كومپانياسىنا ءۇيدىڭ قۇجاتتارىن الا بارىپ ارىز جازۋ كەرەك. ودان كەيىن كەلتىرىلگەن زاقىمنىڭ قۇنى ەسەپتەلەدى. مۇندا تەك ءۇيدىڭ توبەسى, قابىرعا مەن ەدەنگە كەلتىرىلگەن شىعىن ەسەپكە الىنادى. جيھاز بەن تەحنيكا شىعىنى ەسەپتەلمەيدى.
ساقتاندىرۋ كومپانياسى ودان كەيىن ون كۇن ىشىندە وتەماقىنى اۋدارادى.
تاعى ءبىر ايتا كەتەرلىگى, مۇنداي ساقتاندىرۋ تەك الماتى قالاسىندا عانا ەنگىزىلدى.