سوڭعى جىلى بانكتەردىڭ تاماق ونەركاسىبىن نەسيەلىك قولداۋى ايتارلىقتاي كوبەيدى. 2012-2015 جىلدارى ەدب قارىز پورتفەلدەرى كولەمى ايتارلىقتاي وزگەرمەي 330 ملرد تەڭگە شاماسىندا ساقتالسا, سوڭعى جىلى وسى سالاداعى كاسىپورىندارعا بەرىلگەن قارىز كولەمى 16 پايىزعا كوبەيىپ, 359 ملرد تەڭگەنى قۇرادى.
2016 جىلدىڭ قاڭتار-جەلتوقسان ايلارىندا وسى سەكتوردا جۇمىس ىستەيتىن كاسىپورىنداردىڭ ونىمدەرى 4 پايىزعا ۇلعايدى. ال 2014-2015 جىلدارى تاماق ونەركاسىبىندەگى ءوندىرىس كولەمى توقىراپ قالعان ەدى.
الايدا, قارىز پورتفەلدەرىنىڭ قۇرىلىمى كورسەتكەندەي, بەرىلەتىن نەسيەنىڭ باسىم كوپشىلىگى 1 جىلعا دەيىنگى قىسقامەرزىمدى قارىزداردان تۇرادى. 2016 جىلى تاماق ونەركاسىبىنە بەرىلگەن قىسقامەرزىمدى قارىز كولەمى 45 ملرد تەڭگەگە ۇلعايسا, ال ۇزاقمەرزىمدى نەسيە كولەمى تەك 23 ملرد تەڭگەگە كوبەيگەن. بانكتەر نەگىزىنەن تاماق ونەركاسىبىندەگى بۇرىننان بار قارىزداردى قايتا قارجىلاندىرۋمەن اينالىسۋدا. شىن مانىندە, ۇزاقمەرزىمدى نەسيەلەندىرۋ دەڭگەيى سوڭعى 5 جىلداعى مينيمۋمعا تۇسكەن. 2016 جىلدىڭ قاڭتار-جەلتوقسان ايلارىندا 1 جىلعا دەيىن قايتارۋ شارتىمەن 51 ملرد تەڭگە شاماسىندا جاڭا نەسيە راسىمدەلگەن. ايتا كەتەيىك, ء"وندىرىس 2020" مەملەكەتتىك باعدارلاماسىن ىسكە اسىرۋدا تاماق ونەركاسىبى ەكونوميكانىڭ باستى سالالارىنىڭ قاتارىنا ەنگىزىلگەن.