ورتا سالماقتا WBA (Super), IBO, WBC جانە IBF بەلبەۋلەرىنىڭ يەگەرى گەننادي گولوۆكيننىڭ (36-0, 33 كو) باپكەرى ابەل سانچەس شاكىرتىنىڭ كەلەسى قارسىلاسى WBA (Regular) بەلبەۋىنىڭ يەگەرى دەنيەل دجەيكوبستى (32-1, 29 كو) مەرزىمىنەن بۇرىن جەڭەتىنىنە سەنىمدى.
«دەننيدىڭ لايىقتى تۇردە قارسىلىق كورسەتەدى دەپ سەنەمىن. بىراق ايقاستىڭ ەكىنشى بولىگىندە, شامامەن جەتىنشى جانە توعىزىنشى راۋندتاردىڭ اراسىندا گەنناديدىڭ باسىمدىعى سەزىلىپ, دجەيكوبستىڭ وكىلدەرى ايقاستى توقتاتۋعا ءماجبۇر بولادى. نەمەسە ول جويقىن سوققىلاردان ەسىنەن تانۋى مۇمكىن», – دەپ جازادى BoxingScene.com باسىلىمى.
ايتا كەتەيىك, قوس بوكسشىنىڭ اراسىنداعى ايقاس وسى سەنبىدە Madison Square Garden ارەناسىندا وتەدى. ەلىمىزدە بۇل جەكپە-جەكتى «قازاقستان» جانە «KazSport» تەلەارنالارى جەكسەنبى كۇنى 08:00-دە تىكەلەي ەفيردە كورسەتەدى. ال HBO ارناسى اقش-تا اقىلى جۇيە بويىنشا تاراتادى.
وسى كەشتىڭ اندەركارتىندا شىعاتىن بوكسشىلار تۋرالى مىنا جەردەن بىلۋگە بولادى.