چيلي بيلىگى سوڭعى ونجىلدىقتا بولماعان ءىرى ورمان ورتتەرىنە بايلانىستى ەلدىڭ ورتالىق اۋداندارىندا توتەنشە جاعداي جاريالادى, دەپ حابارلايدى BBC.
ورمان ورتتەرى شامامەن ءبىر اپتا بۇرىن باستالىپ, اپتاپ ىستىقتان ەلدىڭ باسىم بولىگىنە تەز تاراعان. قازىرگى ۋاقىتتا ءورت شالعان اۋدانداردىڭ جالپى اۋماعى 63 مىڭ گەكتاردى قۇرايدى, ەلدىڭ بىرنەشە پروۆينتسياسىندا 70-كە جۋىق ورمان ءورتى تىركەلگەن.
سوڭعى دەرەكتەرگە قاراعاندا, توتەنشە جاعداي سالدارىنان 200-گە جۋىق ادام زارداپ شەگىپ, 40 شاقتى ءۇي قيراعان.
چيلي پرەزيدەنتى ميشەل باچەلەت ەلگە ساپارمەن كەلگەن فرانتسيا پرەزيدەنتى فرانسۋا وللاندتان جانە وزگە دە مەملەكەتتەردەن كومەك سۇرادى.