پاپۋا – جاڭا گۆينەيادا ماگنيتۋداسى 8,0 باللدى قۇراعان الاپات جەر سىلكىنىسى بولدى, دەپ حابارلايدى lenta.ru اقش-تىڭ گەولوگيا قىزمەتىنە سىلتەمە جاساپ.
ءزىلزالانىڭ ەپيتسەنترى اراۆا قالاسىنان باتىسقا قاراي 50 شاقىرىم قاشىقتىقتا, ءدۇمپۋ وشاعى 154 شاقىرىم تەرەڭدىكتە ورنالاسقان. ازىرگە جاپا شەككەندەر جونىندە حابار جوق.
تىنىق مۇحيتىنىڭ ءتسۋناميدى ەسكەرتۋ ورتالىعىنىڭ حابارلاۋىنشا, الداعى ءۇش ساعاتتا پاپۋا - جاڭا گۆينەيا, سولومون ارالدارى, ناۋرۋ, پونپەي, كوسراە, ۆانۋاتۋ, ترۋك جانە يندونەزيا ارالدارىنىڭ جاعالارىنا اسا قاۋىپتى تسۋنامي تولقىندارى كەلۋى مۇمكىن.
ايتا كەتەيىك, پاپۋا – جاڭا گۆينەيا سەيسميكالىق بەلسەندى ايماقتا ورنالاسقاندىقتان مۇندا جەر سىلكىنىستەرى ءجيى بولىپ تۇرادى.