سىرتقى ىستەر مينيسترلىگى سيرياداعى جاعدايعا بايلانىستى حالىقارالىق كەلىسسوزدەرگە قاتىساتىن تاراپتاردىڭ ءتىزىمىن جاريالادى.
ۆەدومستۆو سايتىنداعى مالىمەتكە سايكەس, كەلىسسوزدەرگە قاتىساتىنىن ناقتىلاعان تاراپتار:
سيريا اراب رەسپۋبليكاسى ۇكىمەتىنىڭ وكىلدەرى;
سيريا وپپوزيتسياسىنىڭ وكىلدەرى;
رەسەي فەدەراتسياسىنىڭ وكىلدەرى;
تۇركيا رەسپۋبليكاسىنىڭ وكىلدەرى;
يران يسلام رەسپۋبليكاسىنىڭ وكىلدەرى;
اقش وكىلدەرى;
بۇۇ باس حاتشىسىنىڭ سيريا جونىندەگى ارنايى ەلشىسى.
ايتا كەتەيىك, سيريا بويىنشا كەلىسسوزدەر جابىق رەجيمدە وتەدى.
«قازاقستان استاناسى بارلىق اۋماقتار ءۇشىن بەيتاراپ جەر رەتىندە كەلىسسوزدەر الاڭى بولىپ تاڭدالدى. كەلىسسوزدەر «جابىق ەسىك» تارتىبىندە وتەتىنىن ەسكەرە كەتكەن ءجون», دەلىنگەن حابارلامادا.
سىرتقى ىستەر مينيسترلىگىنىڭ ءباسپاسوز قىزمەتى كەلىسسوزدەر قالانىڭ جاڭا اكىمشىلىك ورتالىعىنداعى «Rixos President Astana» قوناق ۇيىندە وتەتىنىن ناقتىلاپ وتىر. حالىقارالىق كەلىسسوزدەر 23 قاڭتاردا استانا ۋاقىت بويىنشا ساعات 13:00-دە باستالادى.