قاراعاندىنىڭ ماگيسترالدىك سۋ تاراتقىشىنداعى ءىرى اپات رەتكە كەلتىرىلدى, دەپ حابارلايدى قازاقپارات.
«قاراعاندى سۋ» جشس-ءنىڭ ءباسپاسوز حاتشىسى مارينا بوگداننىڭ ايتۋىنشا, مەكەمە قىزمەتكەرلەرى 23 ساعاتتان بەرى ورتالىق مادەنيەت جانە دەمالىس پاركىندەگى قالىڭدىعى 800 مم بولاتىن سۋ قۇبىرىنىڭ اپاتىن جويۋ ءۇشىن ۇزدىكسىز جۇمىس ىستەۋدە.
«اياز بەن اشىق اسپان استىندا پوليەتەندى سۋ تاراتقىشقا قوسىمشا قۇرىش مونتاجدالدى. تەحنيكالىق جاعىنان بۇل ايتارلىقتاي قيىن جۇمىس, – دەپ ءتۇسىندىردى ول. – تۇسكە قاراي جاڭا قالا جانە ميحايلوۆكا تۇرعىندارىنا سۋ بەرىلەدى. قازىر كەي كوشەلەرگە سۋ باردى, كەيبىرەۋلەرىنە ءسال كەشىرەك جەتەدى».
ەسكە سالا كەتەيىك, 21 قاڭتار كۇنى ءىرى اپاتتان قاراعاندى جانە كورشىلەس ەلدى مەكەندەردىڭ تۇرعىندارى سۋسىز قالدى.