بۇۇ-نىڭ ارنايى ەلشىسى ستاففان دە ميستۋرا سەنبىدەن جەكسەنبىگە قاراعان ءتۇنى سيرياداعى جاعدايعا بايلانىستى حالىقارالىق كەلىسسوزدەرگە قاتىسۋ ءۇشىن قازاقستانعا كەلدى, دەپ حابارلادى قر سىرتقى ىستەر مينيسترلىگى.
قر سىرتقى ىستەر مينيسترلىگى ءباسپاسوز قىزمەتىنىڭ جەتەكشىسى ءانۋار جايناقوۆتىڭ ايتۋىنشا, قازاقستانعا بۇۇ-نىڭ باس حاتشىسىنىڭ سيريا بويىنشا ارنايى ەلشىسى ستاففان دە ميستۋرادان باسقا وسى ۋاقىتتا ەلىمىزگە رەسەي, تۇركيا, يران ەلدەرى مەن سيريا وپپوزيتسياسىنىڭ وكىلدەرى كەلدى. ول سونىمەن قاتار بۇگىن كەشكە دەيىن ەلىمىزگە سيريا ۇكىمەتى دەلەگاتسياسىنىڭ كەلەتىندىگى تۋرالى ايتتى.
«اقش-تىڭ اتىنان سيريا ماسەلەسى بويىنشا وتەتىن كەلىسسوزدەرگە وسى ەلدىڭ قازاقستانداعى ەلشىسى قاتىسادى», - دەدى جايناقوۆ.
ەستەرىڭىزگە سالا كەتسەك, سيريا ماسەلەسى بويىنشا وتەتىن حالىقارالىق كەلىسسوزدەر استانادا 23 قاڭتار كۇنى باستالادى.