قازاقستاننىڭ ءتورت ايماعىندا جول جابىلدى

قر ءىىد توتەنشە جاعدايلار كوميتەتى قولايسىز اۋا رايىنا بايلانىستى جولداردىڭ جابىلعانىن حابارلادى. اقمولا وبلىسىندا 21 قاڭتار كۇنى ساعات 09:40-تا اۋا رايىنىڭ ناشارلاۋىنا بايلانىستى (بوران, جولدىڭ كورىنبەۋى) «ەكاتەرينبۋرگ - الماتى» 917-1006 كم ( پ. جاقسى - اتباسار), «جاقسى-ەسىل-بۇزىلىق» (0-82); «قوستاناي-اۋليەكول-سۋرگان» (232-260 كم); «جەزقازعان - پەتروپاۆلوۆسك» (377-595 كم) «ەكاتەرينبۋرگ-الماتى» (917-856 كم); «استانا-قابانباي باتىر-كيەۆكا-تەمىرتاۋ» (16-51 كم) جولدارىندا كوزعالىس بارلىق اۆتوكولىك تۇرلەرى ءۇشىن جابىق. 21 قاڭتار ساعات 09:40-تا اۋا رايىنىڭ ناشارلاۋىنا بايلانىستى (قاتتى جەل, قار, جولدىڭ كورىنبەۋى) «ەكاتەرينبۋرگ - الماتى» اۆتوجولىنىڭ 1280-1353 شاقىرىمى (جاقسى كەنتى - اتباسار) بارلىق كولىك تۇرلەرى ءۇشىن جابىق. الماتى وبلىسىندا 20 قاڭتار كۇنى ساعات 23:00-دەن باستاپ, رەسپۋبليكالىق ماڭىزى بار «سارىوزەك-كوكتال» اۆتوجولىنىڭ 40-شى مەن 80-ءشى شاقىرىمىندا جۇك جانە قوعامدىق كولىككە شەكتەۋ قويىلدى. شىعىس قازاقستان وبلىسىندا 20 قاڭتار كۇنى ساعات 15:00-دە اۋا رايىنىڭ ناشارلاۋىنا بايلانىستى (قاتتى جەل, جولدىڭ كورىنبەۋى) «چارسك-باكىرچيك» (0-42 كم), «باكىرچيك-بۋرساك» (0-18 كم) بارلىق اۆتوكولىك تۇرلەرىنە قوزعالىس جابىلدى.