پاكىستانداعى بازارلاردىڭ بىرىندە جارىلىس بولىپ, كەم دەگەندە 20 ادام قازا تاپتى, 40-قا جۋىعى جارالانعان, دەپ حابارلايدى BBC.
وقيعا پاراچينار قالاسىنداعى حالىق كوپ شوعىرلانعان كوكونىس بازارىندا بولعان. جەرگىلىكتى بيلىك وكىلدەرى جارىلعىش زاتتى جانكەشتى ىسكە قوسقانىن ايتۋدا.
ايتا كەتەيىك, ەلدىڭ بۇل اۋماعىندا «تاليبان» قوزعالىسىنىڭ بەلسەندىلەرى كوپ. «فرانس پرەسس» اگەنتتىگىنىڭ مالىمدەۋىنشە, ولارعا اتالعان توپ وكىلدەرىنىڭ ءبىرى حابارلاسىپ, وقيعاعا جاۋاپكەرشىلىكتى ءوز مويىندارىنا الاتىندارىن ايتىپتى. ول سونداي-اق بۇل جارىلىس سيريا پرەزيدەنتى باشار اسادتى قولدايتىن شيتتەرگە «ساباق» بولاتىنىن العا تارتقان.