سىرتقى ىستەر مينيسترلىگى يتاليادا بولعان ءىرى جول اپاتى كەزىندە بالالاردىڭ قۇربان بولۋىنا بايلانىستى ۆەنگريا حالقىنا كوڭىل ايتتى, دەپ حابارلايدى قازاقپارات.
«ۆەنگريا حالقىنا ۆەرونا قالاسىنداعى جول اپاتىندا بالالاردىڭ قۇربان بولۋىنا بايلانىستى شىن نيەتپەن كوڭىل ايتامىز جانە زارداپ شەككەندەردىڭ جىلدام ساۋىعىپ كەتۋلەرىن تىلەيمىز», دەلىنگەن كوڭىل ايتۋ حاتىنادا.
ايتا كەتەيىك, يتاليادا اۆتوبۋستىڭ اپاتقا ۇشىراۋىنا بايلانىستى 16 ادام قۇربان بولىپ, 26 ادام اۋرۋحاناعا جەتكىزىلدى. جەرگىلىكتى قۇقىق قورعاۋ ورگاندارى وكىلدەرىنىڭ مالىمەتىنشە, تۋريستەرگە ارنالعان اۆتوبۋس فرانتسيادان ۆەنگرياعا كەلە جاتقان. وندا بارلىعى 55 ادام بولعان. جولاۋشىلاردىڭ دەنى مۇعالىمدەر, وقۋشىلار مەن اتا-انالار بولاتىن. قايعىلى جاعداي جۇما كۇنى تۇندە ۆەرونا قالاسىندا بولعان. قۇتقارۋشىلاردىڭ ايتۋىنشا, اۆتوبۋس باعاناعا سوعىلىپ ارتىنان ءورت شىققان.