ەلىمىزدىڭ بىرقاتار وڭىرىندە جولدار جابىلدى

بورانعا بايلانىستى بىرقاتار رەسپۋبليكالىق ماڭىزى بار جولدار جابىلدى, دەپ حابارلايدى قازاقپارات. «قازاقاۆتوجول» رمك مالىمەتى بويىنشا, «جەزقازعان-پەتروپاۆل» جولىنىڭ 340-شاقىرىمىنداعى ارقالىق قالاسىنان باستاپ 595-شاقىرىمداعى سقو شەكاراسىنا دەيىنگى ارالىقتا بارلىق كولىك تۇرلەرى ءۇشىن جول جابىق. سونىمەن قاتار «قوستاناي-اۋليەكول-سۇرعان» جولىنىڭ 108-260-شاقىرىمىندا دا كولىك قوزعالىسىنا شەكتەۋ بار. بۇدان بولەك, اقمولا وبلىسى اۋماعىندا بوران سالدارىنان «ەكاتەرينبور-الماتى» جولىنىڭ 856-1006-شاقىرىمىنداعى سقو شەكاراسى مەن اتباسار قالاسى ۋچاسكەسىندە كولىك قوزعالىسىنا شەكتەۋ ەنگىزىلدى. بۇگىن تاڭەرتەڭنەن باستاپ «جاقسى-ەسىل-بۇزىلىق» جولىنىڭ 0-82-شاقىرىمى ارالىعى دا جابىلدى.