اقش-تا جاڭا سايلانعان پرەزيدەنت دونالد ترامپتى ۇلىقتاۋ ءراسىمى ءوتتى. سالتاناتتى شاراعا شاقىرىلعان قوناقتار اراسىندا بۇرىنعى پرەزيدەنتتەر دجوردج بۋش, بيلل كلينتون, دجيممي كارتەر جانە وزگە دە تانىمال تۇلعالار بولدى. ترامپتىڭ انت بەرۋ ءساتىن تاماشالاۋ ءۇشىن ۆاشينگوننىڭ ورتالىعىنا ءجۇز مىڭداعان ادام جينالدى.
«مەن, دونالد ترامپ, قۇراما شتاتتاردىڭ پرەزيدەنتى قىزمەتىن ادال اتقارۋعا جانە قۇراما شتاتتاردىڭ كونستيتۋتسياسىن قولداۋعا, ساقتاۋعا جانە قورعاۋعا بار كۇشىمدى جۇمساۋعا سالتاناتتى تۇردە انت ەتەمىن», - دەدى ترامپ.
ايتا كەتەيىك, 70 جاستاعى دونالد ترامپ وسى ۇلىقتاۋدان كەيىن رەسمي تۇردە اقش-تىڭ 45-ءشى پرەزيدەنتى قىزمەتىنە كىرىسىپ كەتتى.