ەرتەڭنەن باستاپ ەلوردا تۇرعىندارى پəتەر يەلەرى كووپەراتيۆتەرى عيماراتتارىندا ەلەكتروندىق قولتاڭبانى الىپ, ۋاقىتشا تىركەۋدى راسىمدەي الادى, دەپ حابارلايدى قازاقپارات.
حقكو قىزمەتكەرلەرى پيك تۇرعىندارىنا ساعات 9:00-دەن 18:30 ارالىعىندا قىزمەت كورسەتەدى.
اتاپ ايتقاندا, جەكسەنبى كۇنى ساعات 8:00-دەن 15:00-گە دەيىن وبلىستىق جانە استانا مەن الماتى حقكو-لارى جۇمىس ىستەيدى.
«ازاماتتارعا ارنالعان ۇكىمەت» مەملەكەتتىك كورپوراتسياسى» كە اق فيليالى – مەملەكەتتىك قىزمەتتەردى كورسەتۋ ديرەكتسياسىنىڭ ديرەكتورى اسەمگۇل بالتاشەۆانىڭ سوزىنە قاراعاندا, پيك عيماراتتارىندا قىزمەت كورسەتۋ تۋرالى ۇسىنىستى ازىرگە ەلوردانىڭ ءۇش پاتەر يەلەرى كووپەراتيۆتەرى قولدادى. ولاردىڭ قاتارىندا «گۇلدەر», «بايتەرەك» جانە «نۇربەكەت» پيك-تەرى بار.
«وسى تۇرعىن ءۇي كەشەندەرىندە 22 كوپ پاتەرلى ۇيلەر ورنالاسقان, ياعني ءۇش مىڭعا جۋىق پاتەر بار. بۇل رەتتە ازاماتتار تاراپىنان وڭتايلى جاۋاپ بولادى دەگەن ۇمىتتەمىز. قازىرگى كەزدە قازاقستاننىڭ وزگە قالالارىنداعى پيك-تەرمەن كەلىسسوزدەر جۇرگىزىپ جاتىرمىز», – دەدى بالتاشەۆا.