ەاەو ەلدەرىنىڭ اۋىل شارۋاشىلىعىنداعى ءوندىرىس 2016 جىلى 3,2% ءوستى, دەدى ەۋرازيالىق ەكونوميكالىق كوميسسيانىڭ (ەەك) ينتەگراتسيا جانە ماكروەكونوميكا جونىندەگى ءمينيسترى تاتيانا ۆالوۆايا. بۇل تۋرالى strategy2050.kz جازدى.
ول بۇل ەكونوميكالىق جاعدايدىڭ تۇراقتانۋىن جانە ەۋرازيالىق ەكونوميكالىق وداققا (ەاەو) مۇشە مەملەكەتتەردىڭ ەكونوميكالارىنىڭ وسۋىنە كوشۋ مۇمكىندىگىن بىلدىرەتىن كوپتەگەن ءۇمىت ارتتىراتىن بەلگىلەردىڭ ءبىرى عانا ەكەنىن اتاپ ءوتتى.
سونىمەن بىرگە مينيستر 2016 جىلى ەاەو ەلدەرىنىڭ جيىنتىق ءجىو-ءسى 0,3% عانا قىسقارسا, 2015 جىلى 2,5% تومەندەگەنىن اتاپ ءوتتى. وسى رەتتە ءجىو ازايۋى وداقتىڭ ەكى ەلىندە عانا – بەلارۋس پەن رف-دا بايقالعان. قالعان بارلىق مەملەكەتتەر ەكونوميكالىق ءوسۋدى كورسەتكەن. مىسالى, ارمەنياداعى ونەركاسىپتىك ءوندىرىس 6,9% وسكەن.
تاتيانا ۆالوۆايا ەكونوميكانىڭ جەكەلەگەن سالالارى مەن بولىكتەرىن باعالاي وتىرا, اۋىل شارۋاشىلىعىنداعى ءوندىرىستىڭ 2015 جىلمەن سالىستىرعاندا 3,2% ارتقانىنا نازار اۋداردى.
«بۇل بىزگە كەلەسى جىلى وڭ تراەكتورياعا سەنىم ارتۋعا نەگىز بەرەدى», – دەپ اتاپ ءوتتى ەەك وكىلى. ونەركاسىپ 0,2% ءوسىپ, وتكەن جىلعى دەڭگەيدە بەلگىلەنگەن. الايدا, بۇل 2015 جىلعى تومەندەۋگە قاراعاندا, جاقسى ناتيجە بولىپ سانالادى.
بۇدان بولەك, وداق ەلدەرىنىڭ ماكروەكونوميكالىق تۇراقتىلىقتى قولداۋ شارالارىن قابىلداۋى ارقاسىندا ينفلياتسيا تۇراقتانعان.
«ەاەو مەملەكەتتەرى ورتاق ەكونوميكالىق كەڭىستىكتە اناعۇرلىم باسەكەگە قابىلەتتى بولۋ ءۇشىن ءوزىنىڭ ۇلتتىق زاڭناماسىن جەتىلدىرە باستادى. بۇل ءبىزدىڭ حالىقارالىق ارەناداعى پوزيتسيالارىمىزدىڭ جاقسارۋىنا اكەلەدى», - دەپ قورىتتى ت. ۆالوۆايا.