ەلىمىزدە جوسپارلانىپ وتىرعان رەفورما بارىسىندا بيلىك تارماقتارى اراسىنداعى تەپە-تەڭدىك جۇيەسى نىعايتىلادى. بۇل تۋرالى الماتى وبلىسىندا وتكەن 2016 جىلى اتقارىلعان جۇمىستىڭ قورىتىندىسىنا ارنالعان كەڭەيتىلگەن وتىرىستا جوعارعى سوت توراعاسى قايرات ءمامي ايتتى.
«جۇمىس توبىنىڭ مۇشەسى رەتىندە وبلىس اكتيۆى مەن سۋديالارعا بۇگىنگە دەيىن ۇيىمداستىرۋشىلىق وتىرىستىڭ وتكەندىگىن, مەملەكەت باسشىسىنىڭ نۇسقاۋىنا سايكەس جەكەلەگەن ماسەلەلەردى شەشۋ بويىنشا تۇجىرىمدامالىق كوزقاراستىڭ قالىپتاسقاندىعىن ايتىپ وتەيىن», - دەدى ق.ءمامي.
ونىڭ ايتۋىنشا, بيلىك اراسىندا وكىلەتتىكتەردى قايتا بولۋگە قاتىستى ۇسىنىستاردى ازىرلەۋ بارىسىندا وتاندىق جانە شەتەلدىك تاجىريبە جان-جاقتى زەردەلەنەدى. جوعارعى سوت توراعاسى جەتكىزگەندەي, رەسپۋبليكالىق مەملەكەتتىك ورگانداردىڭ العاشقى ۇسىنىستارى اپتا سوڭىنا دەيىن پرەزيدەنت اكىمشىلىگىنە ۇسىنىلماق.
«مەملەكەتتىك ورگانداردىڭ العاشقى ۇسىنىستارى وسى اپتانىڭ سوڭىنا دەيىن پرەزيدەنت اكىمشىلىگىنە ۇسىنىلاتىن بولادى. جوعارعى سوت كۇنى كەشە عانا الداعى رەفورما بويىنشا ءوز ۇسىنىستارىن ەنگىزدى. ءبىزدىڭ ۇسىنىستارىمىز, ەڭ الدىمەن, سوت ءوندىرىسى, ۇكىمەت, پارلامەنت, قۇقىق قورعاۋ ورگاندارى مەن وزگە مەملەكەتتىك ورگاندارمەن ءوزارا قارىم-قاتىناسقا بايلانىستى ماسەلەلەرگە قاتىستى. ۇلت جوسپارىن جۇزەگە اسىرۋ اياسىندا زاڭنامانى ءارى قاراي جەتىلدىرۋ بويىنشا شارالار ۇسىنىلدى. ماسەلەن, ۇلت جوسپارىن ورىنداۋ بارىسىندا حالىقارالىق قارجى ورتالىعىن قۇرۋعا بايلانىستى قازاقستان رەسپۋبليكاسىنداعى قۇقىققا قاتىستى سۇراقتار كوتەرىلدى», - دەدى ق.ءمامي.
بۇدان بولەك, جوعارعى سوت تاۋەلسىز سوت بيلىگىنىڭ كونستيتۋتسيالىق كەپىلدىكتەرىن نىعايتۋعا باستاماشى بولماق نيەتتە. «ۇسىنىلىپ وتىرعان ءىس-شارالاردى كەڭىنەن تالقىلاۋ, وكىلدىكتەردى قايتا ءبولۋدى زاڭنامالىق قامتاماسىز ەتۋ بويىنشا اۋقىمدى جۇمىس كۇتىپ تۇر. وسىعان وراي وبلىس باسشىلىعىنا, وبلىستىق سوتقا, قۇقىق قورعاۋ ورگاندارىنداعى ارىپتەستەرىمىزگە بەلسەندى تۇردە تالقىلاۋعا قاتىسۋعا شاقىرامىن. جۇمىس توبىن وسى ماسەلەلەر بويىنشا بارلىق ۇسىنىستار قىزىقتىرادى. اقپارات الماسۋ مەن قارىم-قاتىناس تەتىگى سىزدەرگە جەتكىزىلەتىن بولادى», - دەپ تۇيىندەدى ءسوز سوڭىن جوعارعى سوت توراعاسى.
جوعارعى سوت توراعاسى قايرات ءمامي 2016 جىلعى وبلىس سوتتارىنىڭ سوت تورەلىگىن جۇزەگە اسىرۋ قورىتىندىسىنا ارنالعان كەڭەستە 11 قاڭتاردا بيلىك تارماقتارى اراسىنداعى وكىلەتتىكتەردى قايتا ءبولۋ بويىنشا مەملەكەت باسشىسى قۇرعان جۇمىس توبىنىڭ العاشقى قادامدارىنا ايرىقشا توقتالىپ ءوتتى.
«وسى ورايدا, وبلىس باسشىلىعىن, وبلىستىق سوتتى, قۇقىق قورعاۋ ورگاندارىنداعى ارىپتەستەرىمدى وسى تالقىلاۋعا بەلسەنە قاتىسۋعا شاقىرامىن. جۇمىس توبىنا جوعارىدا ايتىلعان ماسەلەلەر بويىنشا كەز-كەلگەن ۇسىنىس ماڭىزدى. ءوزارا ءىس-قيمىل مەن اقپارات الماسۋ تەتىكتەرىن پىسىقتالىپ, سىزدەرگە جۇمىس تارتىبىندە حابارلاناتىن بولادى», - دەدى كەڭەسكە قاتىسۋشىلارعا قاراتا ايتقان سوزىندە جوعارعى سوت توراعاسى.