بۇگىن ۇكىمەت ۇيىندە قازاقستان رەسپۋبليكاسىنىڭ پرەمەر-ءمينيسترى باقىتجان ساعىنتاەۆ قازاقستان رەسپۋبليكاسىنداعى نيدەرلاندى كورولدىگىنىڭ توتەنشە جانە وكىلەتتى ەلشىسى ديرك يان كوپپەن كەزدەستى, دەپ حابارلايدى primeminister.kz.
كەزدەسۋ بارىسىندا قازاقستان مەن نيدەرلاندى اراسىنداعى ەكونوميكالىق ىنتىماقتاستىقتىڭ قازىرگى جاعدايى مەن پەرسپەكتيۆالىق باعىتتارى تالقىلاندى. «ءبىز قازاقستاننىڭ يندۋستريالدى-يننوۆاتسيالىق جانە ينفراقۇرىلىمدىق دامۋ باعدارلامالارىنا ءسىزدىڭ ەلدىڭ جەتەكشى كومپانيالارىنىڭ قاتىسۋىنا نيەت بىلدىرەمىز. گوللاندتىق ونەركاسىپ تەحنولوگيالارى, الدىڭعى قاتارلى نوۋ-حاۋ مەن يننوۆاتسيالار ەرەكشە قىزىعۋشىلىق تانىتادى», - دەدى باقىتجان ساعىنتاەۆ.