وڭىردەگى وڭ قادامدار ىقىلاسپەن اتالدى
پارلامەنت سەناتى توراعاسىنىڭ ورىنباسارى بەكتاس بەكنازاروۆ پەن سەناتور ءالي بەكتاەۆ وڭتۇستىك قازاقستان وبلىسىنداعى قازىعۇرت جانە تولەبي اۋداندارىندا بولدى. جەرگىلىكتى جەرلەردەگى كەزدەسۋلەردە ايماقتى دامىتۋدىڭ وزەكتى ماسەلەلەرى تۋرالى جان-جاقتى اڭگىمە بولدى. قازىعۇرت اۋدانىنىڭ تۇرعىندارى سەناتورلارعا اۋىلشارۋاشىلىق سالاسىنىڭ وزەكتى ماسەلەلەرى تۋرالى ايتىپ بەردى. اۋىل ەڭبەككەرلەرى جانار-جاعارمايمەن قامتاماسىز ەتۋگە, اۋىلشارۋاشىلىق ءونىمدەرىن وندىرۋشىلەردىڭ ەكىنشى دەڭگەيدەگى بانكتەردىڭ نەسيەلەرىنە قول جەتكىزە المايتىنىنا, اۋىلشارۋاشىلىق تەحنيكالارىنا ليزينگ باعالارىنىڭ جوعارى بولۋىنا الاڭدايدى. ودان باسقا, قازىعۇرت اۋدانىنىڭ تۇرعىندارى كاسىپتىك-تەحنيكالىق مەكەمەلەردىڭ جابدىقتالۋ دەڭگەيىنىڭ تومەندىگى تۋرالى ماسەلەلەردى كوتەردى. ب.بەكنازاروۆ پەن ءا.بەكتاەۆ تولەبي اۋدانىندا دا بولدى. لەڭگىر قالاسىنىڭ تۇرعىندارىمەن كەزدەسۋدە جاڭا جۇمىس ورىندارىن اشۋ, جاستاردى قولداۋ, شاعىن جانە ورتا بيزنەستى دامىتۋ, تۇرىپ قالعان مەكەمەلەردى قالپىنا كەلتىرۋ جايى ءسوز بولدى. سەناتورلار «100 ناقتى قادام» ۇلت جوسپارىن ىسكە اسىرۋ, پارلامەنتتىڭ زاڭ شىعارۋ قىزمەتى تۋرالى تۇرعىنداردى جان-جاقتى حاباردار ەتتى. اۋىل ەڭبەككەرلەرى قازاقستان تاۋەلسىزدىگىنىڭ 25 جىلدىعىنا وراي پارلامەنت قابىلداعان دەكلاراتسياعا قولداۋ ءبىلدىرىپ, ەگەمەندىك جىلدارىندا قول جەتكەن وڭ وزگەرىستەردى ىقىلاسپەن اتاپ ءوتتى. باقتيار تايجان, «ەگەمەن قازاقستان» وڭتۇستىك قازاقستان وبلىسىماڭىزدى ماسەلەلەر قوزعالدى
پارلامەنت سەناتىنىڭ دەپۋتاتى اقان بيجانوۆ الماتى قالاسىندا جۇمىس بابىنداعى ساپارمەن بولدى. دوستىق ۇيىندە سەناتور ەتنومادەني جانە قوعامدىق ۇيىمداردىڭ وكىلدەرىمەن, قالالىق ءماسليحات دەپۋتاتتارىمەن كەزدەستى. ا.بيجانوۆ بەس ينستيتۋتتىق رەفورمانى ىسكە اسىرۋ جونىندەگى «100 ناقتى قادام» ۇلت جوسپارىن جۇزەگە اسىرۋ اياسىنداعى پارلامەنتتىڭ زاڭ شىعارۋ جۇمىسى تۋرالى اڭگىمەلەدى. جۇرتشىلىق وكىلدەرىمەن پىكىرلەسۋ بارىسىندا ەلىمىزدى, الماتى قالاسىن وركەندەتۋ ماسەلەلەرى, سونداي-اق, ءبىلىم بەرۋ, عىلىم جانە دارىگەرلىك قامتاماسىز ەتۋ جايى قوزعالدى. دەپۋتات شاراعا قاتىسۋشىلارمەن «ءمادەني مۇرا» مەملەكەتتىك باعدارلاماسى مەن مادەني ساياساتتىڭ تۇجىرىمداماسىندا كوزدەلگەن جوبالاردى ورىنداۋ بارىسىن تالقىلادى. ا.بيجانوۆ دەپۋتاتتاردىڭ زاڭ شىعارۋ جۇمىستارى مەن الداعى جوسپارلارى, ونىڭ ىشىندە الماتى قالاسىنىڭ ەرەكشە ءمارتەبەسىن جاڭارتۋعا باعىتتالعان جوبالار تۋرالى حاباردار ەتتى. دەپۋتات اتاپ وتكەندەي, قارجى, ونەركاسىپ, ينفراقۇرىلىمدارى مەن ساناتكەرلىك الەۋەتى جوعارى قالا ەلىمىزدىڭ ەكونوميكالىق, عىلىمي جانە مادەني ورتالىقتارىنىڭ قاتارىنا ەنەدى. ايناش ەسالي, «ەگەمەن قازاقستان» الماتىءتۇرلى سالا وكىلدەرىمەن كەزدەستى
پارلامەنت سەناتىنىڭ دەپۋتاتى باقتىباي شەلپەكوۆ جۇمىس بابىنداعى ساپارمەن ماڭعىستاۋ وبلىسىندا ءجۇر. سەناتور اقتاۋ قالاسىندا №16 ورتا مەكتەپتە جانە «بالبۇلاق» بالالار باقشاسىندا بولدى. وقىتۋشىلار قاۋىمىمەن كەزدەسۋ بارىسىندا ءبىلىم بەرۋ سالاسىنداعى وزەكتى ماسەلەلەر تۋرالى اڭگىمە قوزعالدى. شاراعا قاتىسۋشىلار جەرگىلىكتى بيلىك ورگاندارى بيۋدجەت سالاسى قىزمەتكەرلەرىنىڭ الەۋمەتتىك ماسەلەلەرىن شەشۋگە نازار اۋدارىپ وتىرعانىن جەتكىزدى. ب.شەلپەكوۆ سونداي-اق, ماڭعىستاۋ وبلىسىنداعى بىرقاتار مەملەكەتتىك ورگانداردىڭ باسشىلارىمەن دە كەزدەستى. سەناتور اۋىل شارۋاشىلىعى باسقارماسىنىڭ باسشىسى بولات ەرسايىن ۇلى, جەر قاتىناستارى باسقارماسىنىڭ باسشىسى ەسەمۇرات دۇزماعامبەتوۆ جانە ۆەتەريناريا باسقارماسىنىڭ باسشىسى شامعالي حاميەۆپەن اگرارلىق سالانى دامىتۋ ماسەلەلەرىن تالقىلادى. گۇلايىم شىنتەمىرقىزى, «ەگەمەن قازاقستان» اقتاۋتولعاندىرعان ساۋالدارعا – تولىمدى جاۋاپ
ءماجىلىس دەپۋتاتتارى مەيرام پىشەمباەۆ, ارمان قوجاحمەتوۆ, نۇرلان ءابدىروۆ, ايگۇل نۇركينا, جانات وماربەكوۆا جانە يرينا ۋنجاكوۆا «ۋپنك-پۆ» جشس كاسىپورنىندا زاۋىت باسشىسى ناعاشبەك اۋباكىروۆ جانە ەڭبەك ۇجىمىمەن كەزدەستى. دەپۋتاتتار كەزدەسۋدە ەڭبەككەرلەردى قىزىقتىرعان ساۋالدارعا جاۋاپ بەردى. ايتالىق, جۇمىسشىلاردى زەينەتاقى رەفورماسى مەن ەڭبەك زاڭناماسى جايى تولعاندىردى. دەپۋتاتتار بۇل ساۋالدارعا تولىق جاۋاپ بەرىپ, ساتتىلىك تىلەدى. حالىقارالىق ستاندارتتارعا ساي ءونىم شىعاراتىن زاۋىت «پاۆلودار» ارنايى ەكونوميكالىق ايماعىندا بوي كوتەرگەن. جاڭا ءوندىرىس وشاعىنىڭ ەرەكشەلىگى سول, كاسىپورىن قالدىقسىز تەحنولوگيا بويىنشا جۇمىس ىستەيدى. ياعني, وندىرىستىك ۇردىستەر بارىسىندا ەلەكتر ەنەرگياسىن جانە گيپس ماتەريالدارىن وندىرۋگە مۇمكىندىك بار. بۇل, ءبىرىنشى كەزەكتە, قوسىمشا تابىس كوزى. جالپى, زاۋىتتا 320-دان استام جاڭا جۇمىس ورنى اشىلعان. ودان سوڭ دەپۋتاتتار اۋتيزم اۋرۋىمەن اۋىراتىن بالالارعا ارنالعان ارنايى ورتالىقتا بولىپ, اتا-انالارىمەن اڭگىمەلەستى. جوبانىڭ اۆتورى توعىز جاسار بالانىڭ اناسى داميرا ءابدىراحمانوۆانىڭ ايتۋىنشا, بۇل – اۋتيزممەن اۋىراتىن بالالار ءۇشىن بىرنەشە جىل ىشىندە ساۋىعىپ كەتۋگە جاعداي تۋعىزا الاتىن بىردەن-ءبىر ەمدەۋ ورتالىعى. سونىمەن بىرگە, دەپۋتاتتار «كەدەرگىسىز كەلەشەك» پارتيالىق جوباسى اياسىندا «نۇر وتان» پارتياسى وبلىستىق فيليالى جۇمىس توبىمەن بىرلەسە, الەۋمەتتىك نىسانداردىڭ قولجەتىمدىلىگىن انىقتاۋ جونىندەگى رەيدكە قاتىستى. فاريدا بىقاي, «ەگەمەن قازاقستان» پاۆلودار وبلىسىءتۇسىندىرۋ جۇمىستارىن كۇشەيتۋگە شاقىردى
پارلامەنت سەناتىنىڭ دەپۋتاتى سەرىك اقىلباي قاراعاندىدا وبلىس اكىمى نۇرمۇحامبەت ابدىبەكوۆپەن ايماقتىڭ الەۋمەتتىك-ەكونوميكالىق دامۋ كەلەشەگىن تالقىلادى. دەپۋتات قاراعاندى وبلىستىق پروكۋراتۋراسىندا مەكەمەنىڭ جەكە قۇرامىمەن كەزدەسىپ, زاڭ جوبالارىنىڭ پارلامەنتتە قارالۋ ناتيجەلەرى تۋرالى حاباردار ەتتى. 2016 جىلى سەنات دەپۋتاتتارى 106 زاڭ قاراپ, قابىلدادى. كەزىندە جۇرتشىلىق اراسىندا كەڭىنەن تالقىلانعان جەر كودەكسىنە ەنگىزىلگەن وزگەرىستەرگە دە نازار اۋدارىلدى. س.اقىلباي پروكۋراتۋرا ورگاندارى زاڭناماعا ەكسترەميزم مەن تەرروريزمگە قارسى ءىس-قيمىل ماسەلەلەرى بويىنشا ەنگىزىلگەن وزگەرىستەردەگى ازاماتتاردىڭ تۇرعىلىقتى جەرى ءوزگەرگەن جاعدايدا ۋاقىتشا تىركەلۋ ماسەلەلەرىن ءتۇسىندىرۋ جۇمىستارىن كۇشەيتۋ قاجەتتىگىن اتاپ ءوتتى. سەناتور, سونىمەن قاتار, بالقاش قالاسىنا بارىپ, «سارى قازىنا» مەكەمەسىندە, №1 ەمحانادا جانە «پۋلس» نان كومبيناتىندا بولدى. سونداي-اق, پريوزەر قالاسىنداعى الەۋمەتتىك جانە ءوندىرىس نىساندارىنا باردى. وندا «دوستىق» بالالار-جاسوسپىرىمدەر شىعارماشىلىعى ورتالىعىنىڭ, «بالاقاي» بالالار باقشاسىنىڭ جانە «اقبۇلاق» مەملەكەتتىك باعدارلاماسى بويىنشا سالىنعان جەرگىلىكتى سۋ قويماسىنىڭ ەڭبەك ۇجىمدارىمەن كەزدەستى. دەپۋتات «نۇر وتان» پارتياسىنىڭ قالالىق ءبولىمشەسىندە دە بولدى. قايرات ءابىلدينوۆ, «ەگەمەن قازاقستان»ماجىلىسمەن وپەراتسيا جاسادى
اتىراۋدا پارلامەنت ءماجىلىسىنىڭ دەپۋتاتتارى بەيبىت مامراەۆ, كارىباي مۇسىرمان, مايرا ايسينا, زاۋرەش امانجولوۆا جانە باقىتگۇل حامەنوۆا وتاندىق كاسىپورىنداردىڭ جۇمىسىمەن تانىسىپ, جۇمىسشىلارمەن كەزدەستى. ماسەلەن, ۇدەمەلى يندۋستريالىق-يننوۆاتسيالىق دامۋ مەملەكەتتىك باعدارلاماسى اياسىندا ىسكە قوسىلعان «اتىراۋ اگرو فەليكس» جشس-ىندە اۋىلشارۋاشىلىق ونىمدەرى وڭدەلىپ, سان الۋان سالات تۇرلەرى مەن كوكونىستەر قۇتىعا سالىنادى. مۇندا قازىر 13 ادام ەڭبەك ەتەدى. ءماجىلىس دەپۋتاتتارىنىڭ نازارىن اۋدارعان تاعى ءبىر نىسان – «ءجىگەرمۇنايسەرۆيس» جشس-ىندە 300-گە جۋىق جەرگىلىكتى تۇرعىن تۇراقتى جۇمىسپەن قامتىلىپ وتىر. بۇل كاسىپورىن ەلىمىزدىڭ مۇناي-گاز سالاسىنا 16 جىلدان بەرى سەرۆيستىك قىزمەت كورسەتەدى. ناقتىلاي ايتقاندا, اتالعان كاسىپورىندا مۇناي ۇڭعىمالارىن تەرەڭدەتە بۇرعىلاۋعا ارنالعان قۋاتتى قوندىرعىلار مەن ستاندارتتى ەمەس مەتالل قۇرىلعىلارى قۇراستىرىلادى. سونىمەن بىرگە, مۇندا مۇناي ونەركاسىبىنە ارنالعان جابدىقتاردىڭ ءبولشەكتەرى دە, اسىرەسە, ۇلكەن سۇرانىسقا يە بۇرعىلاۋ قاشاۋلارى شىعارىلادى. ءبىر ەرەكشە اتاپ ايتار جايت, ءماجىلىس دەپۋتاتى زاۋرەش امانجولوۆا وبلىستىق پەريناتالدى ورتالىقتىڭ جۇمىسىمەن, مۇنداعى دارىگەرلەر مەن باۋىر ەتى – بالاسىنا ءومىر سىيلاعان انالاردىڭ احۋالىمەن تانىسۋمەن عانا شەكتەلمەدى. گيپپوكرات انتىنا ادالدىعىنا بەرىكتىگىنەن تايمايتىن «التىن سكالپەل» بەلگىسىنىڭ يەگەرى زاۋرەش امانجولوۆا مۇندا دارىگەرلىك مىندەتىن اتقارۋعا كىرىستى. ءسويتىپ, ورتالىقتا ەكى اناعا وپەراتسيا جاساپ, قوس ءسابيدىڭ جارىق دۇنيەگە امان-ەسەن كەلۋىنە قول ۇشىن سوزدى. جولداسبەك شوپەعۇل, «ەگەمەن قازاقستان» اتىراۋ وبلىسىۇستازدار قاۋىمىمەن جۇزدەستى
شىعىس وڭىرىنە كەلگەن پارلامەنت ءماجىلىسىنىڭ دەپۋتاتتارى, «نۇر وتان» پارتياسى فراكتسياسىنىڭ مۇشەلەرى انار جايىلعانوۆا, ايزادا قۇرمانوۆا, ۆاسيلي ولەينيك, ارتۋر پلاتونوۆ جانە الەكساندر سۋسلوۆ ءبىلىم سالاسىنىڭ قىزمەتكەرلەرىمەن كەزدەستى. جۇزدەسۋ بارىسىندا دەپۋتاتتار ءبىلىم بەرۋ سالاسىنداعى وزەكتى ماسەلەلەردى تىڭدادى. سالاداعى قوردالانعان جايتتاردى جايىپ سالعان ۇستازدار قاۋىمى ماجىلىسمەندەرگە 100-گە جۋىق ۇسىنىس پەن ءوتىنىشىن جەتكىزدى. ونىڭ ىشىندە, مۇعالىمنىڭ مارتەبەسىن كوتەرۋ, الەۋمەتتىك جاعدايىن شەشۋ, الىس ەلدى مەكەندەردەگى مۇعالىمدەردىڭ جەتىسپەۋشىلىگىن جويۋ سياقتى ماڭىزدى ماسەلەلەر ايتىلدى. كەزدەسۋدە دەپۋتاتتار «نۇرلى جەر» مەملەكەتتىك باعدارلاماسى جونىندە, باسقا دا زاڭنامالار تۋرالى باياندادى. اسىرەسە, جاڭا جىلدان باستاپ قولدانىسقا ەنگىزىلگەن زاڭ جوبالارىنا ايرىقشا توقتالدى. ماسەلەن, ەلىمىزدەگى تەرروريزم مەن ەكسترەميزم قاۋپىنىڭ الدىن الۋ ءۇشىن تولىقتىرۋلار مەن وزگەرىستەر ەنگىزىلگەن زاڭناما بويىنشا قوعامدا قىزۋ تالقىعا تۇسكەن ۋاقىتشا تىركەۋگە تۇرۋ تۋرالى دا اڭگىمە قوزعالدى. – تۇرعىلىقتى جەرى بويىنشا تىركەۋ – الەمدىك ۇردىستە بار تاجىريبە جانە ەلىمىزدە دە جوق ەمەس. قازاقستاندا حالىقتى تۇرعىلىقتى جانە ۋاقىتشا تۇراتىن جەرى بويىنشا ەسەپكە الۋ بۇرىن دا زاڭ اياسىندا قاراستىرىلىپ كەلگەن. اتاپ ايتقاندا, قازاقستان رەسپۋبليكاسىنداعى پاسپورتتىق جۇيە تۋرالى ەرەجە, حالىقتى تىركەۋ مەن قۇجاتتاۋ ەرەجەسى جانە ىشكى ميگرانتتاردى تىركەۋ ەرەجەسى بار, – دەدى انار جايىلعانوۆا. دەپۋتاتتار وسى جانە باسقا دا ءماسەلەلەر بويىنشا پەداگوگتار قاۋىمى تاراپىنان تۇسكەن ساۋالدارعا جاۋاپ بەرىپ, ءجىتى نازارعا الاتىندىقتارىن ايتتى. دۋمان اناش, «ەگەمەن قازاقستان» وسكەمەنالەۋمەتتىك نىسانداردا بولدى
پارلامەنت سەناتى دەپۋتاتتارىنىڭ ەلىمىزدىڭ ايماقتارىنا ساپارى ودان ءارى جالعاسۋدا. سەناتور ەربولات مۇقاەۆ باتىس قازاقستان وبلىسىنداعى الەۋمەتتىك جانە ءوندىرىس نىساندارىندا بولدى. دەپۋتات تەرەكتى اۋدانىنىڭ اكىمىمەن, ءماسليحات دەپۋتاتتارىمەن جانە اۋدان اكتيۆىمەن كەزدەسىپ, اۋدانداعى ءبىلىم بەرۋ جانە دەنساۋلىق ساقتاۋ نىساندارىن ارالادى. سونداي-اق, ول زەلەنوۆ اۋدانىندا بولىپ, جەرگىلىكتى بيلىك ورگاندارىنىڭ باسشىلىعىمەن, شاعىن جانە ورتا بيزنەس مەكەمەلەرىنىڭ ەڭبەك ۇجىمدارىمەن كەزدەستى. كەزدەسۋ بارىسىندا سەناتور ازاماتتاردى پارلامەنتتىڭ وسى سەسسيادا قابىلداعان زاڭدارى, سونداي-اق, ەلىمىزدىڭ الەۋمەتتىك-ەكونوميكالىق دامۋىنىڭ ستراتەگيالىق باعدارلاماسىن ىسكە اسىرۋ ماسەلەلەرى تۋرالى حاباردار ەتتى. تەمىر قۇسايىن, «ەگەمەن قازاقستان» باتىس قازاقستان وبلىسىاڭگىمە وزەگى – زاڭدارداعى وزگەرىس
سەنات دەپۋتاتى ولگا پەرەپەچينا سولتۇستىك قازاقستان وبلىسىنداعى ەسىل اۋدانىندا ءبىرقاتار كەزدەسۋلەر وتكىزدى. سەناتور ياۆلەن ورتالىق اۋرۋحاناسىنىڭ, «پەكارۋشكا» شاعىن ناۋبايحاناسىنىڭ, «ەگىن» جانە «زاگرادوۆسكايا» مەكەمەلەرىنىڭ ەڭبەك ۇجىمدارىمەن جۇزدەستى. كەزدەسۋلەر بارىسىندا و.پەرەپەچينا مەملەكەت باسشىسىنىڭ بەس ينستيتۋتتىق رەفورماسىن ىسكە اسىرۋعا باعىتتالعان ءارى مەملەكەتتىڭ ساياسي جانە قوعامدىق ءومىرىن وركەندەتۋگە ارنالعان زاڭدار, پارلامەنتتىڭ 2016 جىلعى زاڭ شىعارۋ قىزمەتى تۋرالى اڭگىمەلەدى. و.پەرەپەچينا, سونداي-اق, پەتروپاۆل قالاسىندا وبلىستىق قوعامدىق كەڭەس مۇشەلەرىمەن, وبلىستىق ءماسليحات باسشىلىعى جانە اپپاراتىمەن «قوعامدىق كەڭەستەر تۋرالى» زاڭدى ىسكە اسىرۋ ماسەلەلەرى بويىنشا كەزدەسۋ وتكىزدى. ءومىر ەسقالي, «ەگەمەن قازاقستان» سولتۇستىك قازاقستان وبلىسى