ەلباسى نۇرسۇلتان نازارباەۆ «سامۇرىق-قازىنا» اكتسيونەرلىك قوعامى باسقارماسىنىڭ توراعاسى ومىرزاق شوكەەۆتى قابىلدادى. بۇل تۋرالى اقوردانىڭ ءباسپاسوز قىزمەتى حابارلادى.
مەملەكەت باسشىسىنا كەزدەسۋ بارىسىندا 2016 جىلدىڭ قورىتىندىسى بويىنشا قوردىڭ دامۋ كورسەتكىشتەرى جونىندە مالىمدەلدى.
سونداي-اق, شوكەەۆ قازاقستان پرەزيدەنتىنە «سامۇرىق-قازىنا» اكتسيونەرلىك قوعامىنىڭ قاراۋىنداعى اكتيۆتەر مەن ەلەكتر ستانساسىنىڭ قىزمەتىن جەكەشەلەندىرۋ بارىسى جونىندە ايتتى. بۇگىندە قوردىڭ ساتۋعا قويىلعان 217 اكتيۆىنىڭ 120 نىسانى بالانستان شىعارىلعان.
«ەكىنشى تىزىمدەگى نىسانداردىڭ 70%-ى ىسكە اسىرىلىپ, ءبىرىنشى ءتىزىمنىڭ 11 ءىرى نىسانى جونىندە شەتەلدىك ينۆەستورلارمەن كەلىسسوزدەر جۇرگىزىلىپ جاتىر», - دەدى «سامۇرىق-قازىنا» اكتسيونەرلىك قوعامى باسقارماسىنىڭ توراعاسى.
ەلباسى ءبىرىنشى كەزەكتە قازاقستاندا سينگاپۋردىڭ «تەماسەك» قورىنىڭ مودەلى بويىنشا حولدينگ قۇرۋ جونىندە مىندەت قويىلعانىنا توقتالىپ, وسىعان بايلانىستى «سامۇرىق-قازىنا» اكتسيونەرلىك قوعامىن ترانسفورماتسيالاۋدى ساپالى جۇرگىزۋدىڭ ماڭىزدىلىعىن اتاپ ءوتتى.
كەزدەسۋ قورىتىندىسى بويىنشا بىرقاتار ناقتى تاپسىرمالار بەرىلدى.