كەزدەسۋ بارىسىندا مەملەكەت باسشىسىنا حولدينگتىڭ 2016 جىلعى قىزمەتىنىڭ قورىتىندىسى جونىندەگى ەسەبى جانە ودان ءارى دامۋ جوسپارى ۇسىنىلدى. بۇل تۋرالى اقوردانىڭ ءباسپاسوز قىزمەتى حابارلادى.
ەربولات دوساەۆ ءوز سوزىندە اكتسيونەرلىك قوعامنىڭ اكتيۆى 4 ترلن 100 ملرد تەڭگەدەن اسىپ, تازا تابىسى 30 ملرد تەڭگەنى قۇراپ وتىرعانىن ايتتى.
سونداي-اق, «بايتەرەك» ۇلتتىق باسقارۋشى حولدينگى» اكتسيونەرلىك قوعامى باسقارماسىنىڭ توراعاسى مەملەكەت باسشىسىن «قازاقستاننىڭ دامۋ بانكى» اكتسيونەرلىك قوعامىنىڭ جۇمىسى جايلى جانە ەلىمىزدەگى ەكونوميكالىق احۋال مەن ۇلتتىق بانكتىڭ جاڭا مونەتارلىق ساياساتىن ەسكەرە وتىرىپ, حولدينگتىڭ ستراتەگيالىق دامۋىنا وزگەرىستەر ەنگىزۋگە ارنالعان جوسپارلارى جونىندە حاباردار ەتتى.
قازاقستان پرەزيدەنتى حولدينگتىڭ ەلىمىزدىڭ ەكونوميكاسى ءۇشىن ماڭىزى زور جوبالاردى ىسكە اسىرۋ بارىسىنداعى ءرولىن اتاپ ءوتتى.
«حولدينگتىڭ الدىنا اۋەل باستان ءىرى جوبالاردى نەسيەلەۋ جونىندە مىندەت قويىلعان. الايدا ەكونوميكالىق داعدارىس جاعدايىندا «بايتەرەككە» كوپتەگەن ءتۇرلى قوسىمشا تاپسىرمالار بەرىلدى. وسىعان بايلانىستى قازىر ونىڭ بۇدان ارعى قىزمەتىنىڭ ستراتەگيالىق پەرسپەكتيۆالارىن ايقىنداۋ قاجەت», – دەدى ەلباسى.