Samsung كومپانياسىنىڭ ۆيتسە-پرەزيدەنتى لي چجە يون وڭتۇستىك كورەيادا ۇلكەن جەمقورلىق داۋىنا ۇشىراعان پرەزيدەنت پاك كىن حەنىڭ قىلمىسىنا قاتىسى بار بولىپ شىقتى, دەپ جازادى Bloomberg اگەنتتىگى. بۇل تۋرالى وسى ماسەلە ءۇشىن ارنايى قۇرىلعان تەكسەرۋشى كوميسسيانىڭ رەسمي وكىلى مالىمدەگەن.
كومپانيا ۆيتسە-پرەزيدەنتى بەيسەنبى كۇنى سەۋلدە تەرگەلەدى, دەپ جازادى باسىلىم. ال وتكەن دۇيسەنبىدە كومپانيانىڭ ەكى توپ-مەنەدجەرىنەن كۋاگەر رەتىندە تۇسىنىكتەمە الىنعان.
كومپانيانىڭ ءباسپاسوز قىزمەتى ازىرگە ماسەلەگە قاتىستى مالىمدەمە جاساماي وتىر. ازىرگە لي چجە يوننان قالادان شىقپاۋ تۋرالى قولحات الىنعان.
ەرتەرەكتە Samsung كومپانياسىنىڭ باسشىلىعى پاك كىن حەنىڭ قۇربىسىنا پارا بەرىپ, ەسەسىنە مەملەكەتتەن قولداۋ الۋعا كەلىسكەنى حابارلانعان ەدى. پارانى كومپانيا وكىلدەرى تسوي قورىنا قايىرىمدىلىق رەتىندە كوممەرتسيالىق ەمەس تولەم تۇرىندە اۋدارعانى بەلگىلى بولدى.